Sun wagía gayarati wanúadahan. O weseriwidun lun Heowá, o weseriwidun lun Satanási hama lumáfianu. Siñati wadügüni biángubei. Leseriwidunua lun Heowá ligía lichúbei aau!

Kei aubei warihei, hínsiñeti houn máfianu hamañouruniñu gürigia adüga hagía dañu houn. Mítaranti Heowá. Hínsiñetiñu gürigia garaüwarügütiña lun kei hínsiñe lirahüñü aban úguchili lun. Ligía íchugubalin “sun buiti le ichugúbei woun, le úabei mégeiti luagu”. (Santiagu 1:17.) Meredehanti ni kata buiti hawéi gürigia garaüwarügütiña, íbini wéiri lan liserun lun. (Éfesuna 2:4-7.)

Samina humá luagun katei burí le ladügübei Hesusu, le liráü Bungiu ya Ubouagu. Adügati lun hadimurehan ha mariñagaditiñu ani arihagüdalaña ha marihintiñu. Areidaguagüda lumutiña ha lautiñu lépüra hama ha méibuguntiñu. Furigüdati máfianu o sífiri wuribatiñu ani areidaguagüda ligía sun luwuyeri sandi. Luagu lubafu Bungiu, saragüdati Hesusu hilaaña lidoun ibagari. (Matéu 9:32-35; 15:30, 31; Lúkasi 7:11-15.)

Lubaragiñe leyeehan lun lamañounruniwa, súnwandan lerenguni Bungiu inarüni. Maweiyasunti amañounra ni aban. (1 Lúrudu [Números] 23:19.)

Ítara kei terederun aban werewere güragu tidan tǘgüra gúnrenre, ítara liña redeihaña lan míñunu gürigia güragu lidan iyeeni luma lidan afiñeni burí le siñati lafuranguagüdünua lau resun. Hanufudetiña hawéi hilaaña. Hanufudetiña hawéi máfianu. Aba hadiheridun luagu íñaraguni, egesihani luma abiñarahani. Güragua lumutiñu afiñeni luma échuni le lébunabei leyeehan Satanási le mafia. Ha lubueingu Bungiu mígiraguagüdüntiñu houngua lun larügüdüniñu katei burí le.

Gabafutimaati Heowá luéi Satanási. Ánhadün eseriwida lun Heowá, ladouraguba hau hawéi máfianu. (Santiagu 4:7.) Madügünbei abiñaragülei dañu hun. Aban hénpulu, Niheria houchatiñu ǘrüwa gabiñarahatiñu ha gabafutiñu lun háfaruni aban gefenti luagu Heowá lau abiñaragülei ladüga maha lan lidin hageiragiñe. Dan le madügün lan abiñaragulei le ni kata, aba lanufededagun aban hádangiñe gabiñaratiñu hagía, aba lidin lumoun Gefenti ligía, aba lebegirun gudemehabu luma.

Anhein héibaahañadün lubéi máfianu, gayarabei hagúarun lun Heowá lau liri, ábameti ladouragun hau. (Ariñawagúni 18:10.) Ani lun ladouragun Bungiu hau mosu hígiruni sun katei le úarabei luma abiñarahani súnsuinagubei luma áhuduraguni houn máfianu o sífiri wuribatiñu. Lidan binadu Éfesu ha áhuduragubaña lun Bungiu ítara liña hadüga. Abudaha hamutu sun haliburun to lánina ariaahani aba hágudunu. (Adügaü [Hechos] 19:19, 20.) Ha lubueingu Bungiu uguñe weyu mosu hadügüni ligía meme. Líbüregua humá hungua luéi lúyawa uraü, gurudu “lánina adouraguni”, guáriua adügüti lídangiñe dübü  o fulansu le uagubei lafiñerua anihein lan aban bungiu o lani aban bungiu sífiri, líburu lánina aríahaani luma furumiñeguarügü katei lídangiñeti échuni le lánina abiñarahani.

Anhein busén hubéi hagundaaragüdüni Bungiu, úati buídürügü lan hígiruni áhuduraguni le mamabei inarüniti luma ladügǘn katei wuribati. Mosu hawinwaduni áhuduraguni le harumabei o inarüniti lau lóufudagun. Arufuda tumuti Bíbülia ka lan mégeiwabei:

Gámati Satanási hama lumáfianu gürigia Ubouagu ha adügatiñu ani arufudaha hagia katei burí le wuribabei. Gama lumoun gámati giñe Heowá gürigia Ubouagu. Gefentiñu luagu Heowá híribei. (Isaíasi 43:10.) Lidan sun Ubóu añahein hóugiñe gádürü míñunu Gefentiñu. Súngubei hagía áfaaguatiñu lun hadügün katei buiti ani arufudaha hamuti inarüni houn gürigia. Lidan libe-agei ageiraü gayarati harihiniñu tidan Luban Hadamuridagun Gefentiñu, híchuguba aban lubuidun áchülürüni hun.

Íderagua amu eserwida lun Bungiu ligía hawadigímaribei. Híchuguba leksióun tídangiñeti Bíbülia hun húbiñe, ani arufudaha haméime hun lun háhuduragun lun Heowá lau igaburi le richabei. Mafayeihanbadün luagu arufudahani le. Ha Gefentiña gúndaatiñu lun harufudahani inarüni ladüga hínsiñetiñu gürigia houn ani hínsiñeti giñe Heowá Bungiu houn.