Busenti Heowá lun gunda lan wabagari luma lun wadügün somu fedu kada átiri dan. Gúndaati funa san Bungiu lau sun luwuyeri fedu? Ida luba warufuduni lun Heowá hínsiñe lan woun ani berese wamá lau le lasandirubei?

1. Ka uagu anihein lubéi fedu le auti magundan lan Heowá?

Másiñati taweiridun hanigi lau hasubudiruni mama lan hámagiñe kristiánugu láhücha saragu fedu o mama lan le tarufudahabei Bíbülia lébunabei. Saragu lídangiñe fedu le, tídangiñeti relihión mama inarünitu o gadan lani katei hámagiñeti máfianu o lídangiñeti lan afiñeni luagu móunwedadi tan uani. Anihein lídangiñe fedu ligía, lídangiñe afiñeni mébunati láhücha o lídangiñe afiñeni luáguti ubunuruni (Isaíasi 65:11). Ligía líchugunbalin Heowá eweridihani le houn lubúeingu: “Furí humá lubeiti haganaguagiñe ha mafiñenbaña [...]. Maguura humá ni kata wíyeti” (2 Korintuna 6:17). a

2. Ka lasaminarubei Heowá luagu fedu le íchugubei saragu uéiriguni houn gürigia?

Wéridi lumutiwa Heowá lun mítaran wamá kei gürigia “le íchugubalin lemenigin hawagu wügüriña” ladüga aban lan sádara lira (aliiha huméi Heremíasi 17:5). Anihein fedu le adügǘti lun lichugún uéiriguni houn gumadimatiña o houn binadu gürigia ha anügǘbaña kei wéirigutiña lidan ageiraü, lun fanidira o lun katei líbeina lira. O lun hefeduhani lúnguaali lan hageira (1 Huan 5:21). Anihein giñe fedu le adügǘti lun lawanserun polítika o somu óundaruni to íderagubaliña gürigia. Ánhawa íchiga saragu uéiriguni lun aban gürigia o tun aban óundaruni—tótima múaranboun luma lugundan Bungiu—, ida luba hamuga san lasandiragun lungua?

3. Ka igaburi gayaraabei ladügün lun mabuidun lan aban fedu?

Ariñagatu Bíbülia mabuidun lan herederun gürigia “abacharuada, adaagua fedu [le chagaguati luma] átagua” (1 Féduru 4:3). Anihein fedu le ídanti márügüdagun hamá gürigia houngua, maruman ligía hóuserun. Anhein busén wabéi wasigirun gamadagua luma Heowá, lunti wakipuragun woungua dise luéi sun luwuyeri burí iwiyei le.

 SIGÍ HUMÁ AFURENDEIRA

 5. Íderagua humaña amu lun inebe lan afiñeni le huágubei houn

6. Busenti Heowá lun gunda wamá

Busenti Heowá lun wásügürün lubuidun dan hama waduheñu luma hama wamadagu. Aliiha huméi Apurichihati 8:15, ábameti hayanuhan luagu álügüdahani le:

• Ida liña larufuduni bérusu le busén lan Heowá lun gunda wamá?

Busenti giñe Heowá lun hagundaarun lubúeingu luma lun hásügürün lubuidun dan úara. Ariha huméi BIDÉU lánina adamurini hounti lílana ámuñegueinarügü ageiraü le wadügübei, ariha humaamugei hungua ítara liña lan.

Aliiha huméi Galasiana 6:10, ábameti hayanuhan luagu álügüdahani burí le:

• Mosu san gadan lániwa ítaga fedu lun gayara lan wadügüni “le buídubei houn” amu gürigia?

• Ka himei hubéi: idewesei le ichugúbei lidan ítaga fedu ladüga mosu lan o idewesei le ichugúti ladüga tídangiñe lan lanigi gürigia láhücha?

• Anihein dan hadügün saragu Gefentiña somu katei espechaliti houn hasaanigu o híchugun somu idewesei le sódiniti houn. Anhein gasaanigu hubéi, ka katei espechaliti gayaraabei hadügüni houn?

 LE HAFURENDEIRUBEI

Busenti Heowá lun wásügürün aban lubuidun dan hama waduheñu luma hama wamadagu. Le mabusenrun lubéi, lun wádaragun woungua lidoun fedu le mínsiñeti lun.

Águyuguagüdüni

• Ka álügüdahani lunbei wadügüni woungua lun wasubudiruni anhein gunda lubéi Heowá lau somu fedu?

• Ida luba wíderaguniña waduheñu hama wamadagu lun gunfuranda hamani le wanúadirubei luagu somu fedu?

• Ida liña wasubudiruni busén lan Heowá lun gunda wamá luma lun wásügürün buiti dan?