Aranseedina san?
Aranseedina san lun náfuridun apurichiha hama lílana damuriguaü?
Gayaraati aranseedün lan lun aban humá apurichihati mabadiseirúngili anhein...
... hechu hubéi aturiahoun Bíbülia, afurieida luma abasiiha lidoun adamuridaguni.
... afiñe hubalin ani gebegi ligía le hafurendeirubei hun, busén huguya hayanuhan houn amu luagu.
... hínsiñe lubéi Heowá hun ani áluahatün umadagu ha giñe hínsiñeti Heowá houn.
... fánreinguaadün lubéi tuéi furumiñeguarügü óundaruni lánina polítika o relihión mama inarünitu.
... falá hubalin lugumadin Bungiu lidan hibagari ani busentün lun aban humá gefenti luagu Heowá.
Anhein afiñe hubéi aranseedün lan lun hapurichihan hama lílana damuriguaü, layanuhaba humaisturun hama wéiyaaña lidan afiñeni, ábameti hadamuridagun huma lun harihini anhein gúnfuli hubéi lau le mégeiwabei.
Aranseedina san lun nabadiseirun?
Gayaraati aranseedün lan lun habadiseirun anhein...
... ábanhadün lubéi apurichihati le mabadiseirúngili.
... apurichiha hubéi sagü gayara lan ani gabügürüguati hadügüni.
... ídeha hubéi luma “musu úaraguati ani gunfuranda ligía” ani falá humuti ladundehan (Matéu 24:45-47).
... adügaadün lubéi aban furíei lun hederegeragun hungua lun Heowá ani busentün heseriwidun lun lun súnwandan.
Anhein afiñe hubéi aranseedün lan lun habadiseirun, layanuhaba humaisturun hama wéiyaaña lidan afiñeni, ábameti hadamuridagun huma lun harihini anhein gúnfuli hubéi lau le mégeiwabei.
