Ida luba hasagaruni sun buiti le hiyaraati lídangiñe kada arufudahani?
Lubaragiñe hagumeseruni haturiahan, aliiha huméi ariñahani le. Lárigiñe ariha huméi BIDÉU.
FURUMIÑETI FÁNREINTI
Lubaragiñe lichugún kada aturiahani hun, aliiha huméi furumiñeti fánreinti le lídanbei arufudahani le lunbei haturiahani. Anihein álügüdahani ganumerunti (A) luma burí bérusu tídangiñeti Lererun Bungiu le wuritimabei (B) le arufudubalin puntu burí le súdinitimabei. Ariha huméi anihein lan bérusu tídangiñeti Lererun Bungiu le ñein lubéi lariñawagúa lunti lan laliihóun.
LIBIAMAN FÁNREINTI
Afuranguagüda lumuti furumiñeti párafu le lábugiñebei fánreinti “Sigí humá afurendeira” kaba lan uagu layanuhóua lidan fánreinti ligía (CH). Arufuda lumuti subtítulu ka lan puntu súdinitimabei (D). Aliiha huméi burí bérusu, óunaba huméi burí álügüdahani ani ariha huméi burí bidéu úara luma humaisturun.
BIDÉU. Lídanba burí rekuáduru le hadarirei bidéu luma ariñahani aganbahóuarügüti le óustaragüdübalin ariñahani le lídanbei arufudahani. Anihein burí lídangiñe bidéu le, luáguti sügǘ le inarüniti. Ánheinti le líbiri, luáguti sügǘ le gayaraabei lasuseredun.
Samina humá luagun burí dibuhu luma luagun le ariñawagúbei lábugiñe (E), samina huguyame luagu ida luba lan hamuga hóunabun lun “Le hariñagubei fiu gürigia” (F).
LǗRÜWAN FÁNREINTI
Gumuti kada arufudahani lau “Le hafurendeirubei” luma lau “Águyuguagüdüni” (G). Bürǘ huméi weyu le hagumuchunbalin arufudahani. Lidan rekuáduru “Áfaagua humá lun...”, hadariruba adundehani le lunbei líderagunün awansera lidan haturiahan (H). Lidan fánreinti “Furendei humá lanwoun”, hadariruba burí ariñahani luma bidéu le gayaraabei lahuudun hun (I).
Ida luba hadarirun aban bérusu tidan Lererun Bungiu?
Anuhein 66 líburu tidan Bíbülia. Fánreinwaguatu lidan biama: Abürüdǘni Ebüréu luma Abürüdǘni Güriegu. Añahein giñe gürigia agúarutiña lun fánreinti burí le Binadu Daradu luma Iseri Daradu.
Dan le liridún aban bérusu lidan aturiahani le, furumiñe fuati tiri líburu tídangiñetu Lererun Bungiu (A), lárigiñe fuati linumerun kapítulu (B) ánheinti númeru le áfuachubei lárigiñe, arufuda lumuti linumerun bérusu (CH).
Kéiburi dan le liridún Huan 17:3, layanuhóuña tuagu “liliburun Huan, luagu kapítulu 17 luma luagu bérusu 3”.
Háfuga hínsiñebei lan giñe le hun
ÁLÜGÜDAHANI LE GABÜGÜRÜGUATI LADÜGǗN
Ida liña aturiahani tídangiñeti Bíbülia le híchugubei gefentiña luagu Heowá?
Gayaraati hayusurunu hibibülian lidan aturiahani le híchugubei gefentiña luagu Heowá maguburahanga luagu. Gayaraati hagunbirahaniña hiduheñu hama humadagu lidoun.
