1. Bungiu ínchahabaliwa

áyeihei ligaburi

ani ínsiñeni Bungiu;

ma lubuidun lémeri!

Lunti hínsiñe lan Bungiu

hama sun gürigia woun,

lun wadügüni lugundan

kei lariñaguni woun.

2. Ruti Bungiu ídemuei nun

lidan sun nemegeirun,

lunti lánhingichunina

lira lun narufudun

bandi ínsiñehabuni,

lau gudemehabu nan,

lau masandi nan gimugaü

luma lau mapantan nan.

3. Lunti wáfaagun saragu

lun mafayeihan wamá

lau wuribani houn amu,

lun feruduna wamá.

Dan le hínsiñe lan Bungiu

hama wíbirigu woun,

wéiriti lugundan wama;

hínsiñehabuti woun.