1. Busenti Heowá lun néibugun lidan

üma le buídubei,

lun náyeihani, arufudanéime

ínsiñeni le nídanbei.

Lau ínsiñeni le wéiribei luagu

ladüga Heowá lun liabin Hesusu

lun líchuguni libagari nuagu.

Ínsiñeni larufudubei.

2. Lau ínsiñeni magumuchaditi

nóuserei níbiri,

adügüti lun feruduna nani

dan lunti lan níchuguni.

Adügati le lun nídehan luma

lubúein Heowá le lídanbei aban

turobuli le güreweiti luma;

náluahabei le buídubei lun!

3. Kei lánigu lan Heowá sun wagía

óusera láadiwa

lau ínsiñeni lun línchahaniwa

áfaagua lun buidu wamá.

Lun wáyeihani sun línsiñehabu

lau úarani waliihoun Lererun

lun buinñu wamá lau sífiri sandu.

Ínsiñeni ligaburibei.