1. Bungiu hínsiñehabuti,

buiti sun bigaburi.

Buinñu biña lau areini

luma úaraguni.

Bungiu, úati marichaü

lidan le badügübei.

Ani wáhuduraguña

bun, Heowá le sándubei.

2. Le wabusenrubei, Bungiu,

lun walawahanibu

luma wíderaguniña

amu lun hayabin bun.

Tidan bóundarun, anihein

ídemuei houn bánigu,

rútibu sífiri sandu

woun lau ínsiñehabu.

3. Bungiu, íderaguabawa

áyeihei bigaburi,

lun warufudun areini

luma úaraguni

houn ha lídanbaña aban

wama tidan bóundarun,

ha burí íchugubalin

sun uéiriguni bun.