1. Adügati nemenigin

lun here nan lubá

ñein lan burí turobuli;

luagu nárügüda

lun ua lan adügüti

lun neferidiruni

nafiñen luagu Wáguchi

ni luagu inarüni.

2. Heowá, kei hínsiñe bubéi

nun, Bungiu Núguchi,

madisedunbadina buéi

lau aban úarani.

Nawandubei turobuli

lau ganigi súnwandan.

Nanügübei nibagari

kei línsiñe bun, Heowá.

 3. Anuhein aban líburu

labürüdün Heowá

lau liri sun awanduti

darí lachülürün dan

lun líchugun Wabungiute

katei buiti houn sun ha

meredebei harufudun

lun úaragua hamá.