1. Bungiu Heowá, le Suntigabafu,

ruba arigei lun wafurieidun bun.

Sandulá biri lun súnwandan,

gúnfuli báamuga lau bugundan.

Ñǘbuinla Barúeihan

ya ubouagun, Heowá.

2. Teinki wamutibu sagü weyu

luagu sun le badügübei wawagu.

Bíchugun sun le wámabei woun,

ani lagidarúba wafigoun.

Bungiu, teinki waña bun

luagu bínsiñehabu.

3. Ruba gurasu nun, Bungiu Baba,

dan lidan nan saragu lénrengunga.

Ídehaba lun méiguadun nan,

ruba ganigi nun, Bungiu Baba.

Runa sun nemenigin

buagun lau afiñeni.