UREMU 43
Furíei lánina eteingiruni
(Sálumu 95:2)
-
1. Wáguchi Bungiu, le Suntigabafu,
lau sun wagundan wafurieida bun.
Rútibu éigini woun sagü weyu,
tau sun wanigi weteingirabu.
Lau sun chará wamá, Núguchi Bungiu,
ídehatibu lun here wamá.
Teinki wamutibu, Wáguchi Bungiu,
luagu gaguraasun ban súnwandan.
-
2. Bungiu Heowá, teinki waña bun luagu
chansi le wámabei lun ya wamá
ídeha lunme hayabin gürigia
íchiga uéiriguni bun sun dan.
Bungiu, lau lídehan sífiri sandu,
aba badügün lun gunda wamá
dan le wapurichihan luagu biri,
keisi gefentiña buagu, Heowá.
(Ariha huméi giñe Sal. 65:2, 4, 11; Fili. 4:6).