UREMU 45
Buidulá nisaminan ligibugiñe bagu
(Sálumu 19:14)
-
1. Busentina lun gunda ban
lau sun nisaminan, Heowá,
lun buidu lan barihin lun,
bumada náamuga sun dan.
Dan le nasandirun, Heowá,
migife lan sun guñoun nun,
saminatina buagun lun
gayara lan nawaragun.
-
2. Dan buidu lan nisaminan,
dan giñe le haruma lan,
barüti bandi buiti nun,
adügati lun gunda nan.
Ma weiri lan lilulin sun
lichú bau, Bungiu Núguchi!
Sun weyu náfaaguña lun
nadügüni le buídubei.
(Ariha huméi giñe Sal. 49:3; 63:6; 139:17, 23; Fili. 4:7, 8; 1 Tim. 4:15).