1. Aramudaguagülei

buguya nun, Heowá.

Afiñetina buagu,

manufudetina.

Badouraguba giñe hau

ha úaraguabaña lau

hadügüni bugundan

luma lau richagua hamá.

2. Meberesenga anhein

narihiñein lubéi

libihin Satanási

lun houdin amu buéi,

manufudedunbadina

ladüga chouru naali lan

abunhein lan nubadu

lidan sun nilamiserun.

3. Badireirubadina

luéi sun wuribani

lun bágüdahanina

lau úaraguni.

Haganaguagiñe liñún

besefurubadina lun

nasigirun arihei

buidu ban sunsuinagubei.