UREMU 97
Ágüdaha tumuti Lererun Bungiu wabagari
-
1. Mégeitiwa waliihanu
sun Lererun Heowá,
ágüdaha tumutiwa,
tau wabagarida.
Rutu giñe darangilaü
woun lun gunda wamá.
(LEYA ÁGUYUGUAGÜDÜWABEI)
Moun lumuti wawinwandun
láurügü weigin fein,
lunti giñe waganbuni
Bungiu le wínwanbei.
-
2. Dan waliihan luagu sun
le hadügübei ha
meha úaraguabaña
lidan binadu dan,
ruti bandi gurasu woun
lun ganigi wamá.
(LEYA ÁGUYUGUAGÜDÜWABEI)
Moun lumuti wawinwandun
láurügü weigin fein,
lunti giñe waganbuni
Bungiu le wínwanbei.
-
3. Lau lichú aau wóusera
kei wafurendeirun
tidan líburu sándutu
dan waturiahanu,
huutu lidan lidere dan,
dan wasufurirun.
(LEYA ÁGUYUGUAGÜDÜWABEI)
Moun lumuti wawinwandun
láurügü weigin fein,
lunti giñe waganbuni
Bungiu le wínwanbei.
(Ariha huméi giñe Hos. 1:8; Rom. 15:4).
