Rarigüda huméi:

• Lau sínbolu lánina músika

1. 1. Ka búngiubei kei buguya,

   Núguchi Bungiu, Heowá?

   Kaba san níchiga bun lun

   neteingirubadibu lan?

   Dan le narihini sielu

   lúmati sun buéirigun,

   kátañadina san Bungiu,

   lun nínsiñeduba lan bun?

   (LEYA ÁGUYUGÜAGÜDÜWABEI)

   Aganbabéi uremu le, Heowá,

   yuuti lun balawahóun.

   Nadügübei bugundan súnwandan.

   Rualá uéirigun lun

   biri, lidan sun ubóu.

2. 2. Teinki numutibu, Bungiu,

   luagu gabagari nan.

   Sun le aniheinbei numa,

   bidewese lira, Heowá.

   Núguchi, sun wínwanñu nan,

   bunba neseriwida.

   Lun lichugún uéirigun bun,

   nayanuha buagu, Heowá.

   (LEYA ÁGUYUGÜAGÜDÜWABEI)

   Aganbabéi uremu le, Heowá,

   yuuti lun balawahóun.

   Nadügübei bugundan súnwandan.

   Rualá uéirigun lun

   biri, lidan sun ubóu.

3. 3. Dandu waruguma sielu,

   Weyu lau Hati, Heowá,

   luma lubuidun Ubóu le,

   baranserun sun le wabá.

   Níchugubei uéiriguni

   le yuubei bun súnwandan.

   Ani, gadünatibu lun

   balawahóun, Bungiu Heowá.

   (LEYA ÁGUYUGÜAGÜDÜWABEI)

   Aganbabéi uremu le, Heowá,

   yuuti lun balawahóun.

   Nadügübei bugundan súnwandan.

   Rualá uéirigun lun

   biri, lidan sun ubóu.