Rarigüda huméi:

• Lau sínbolu lánina músika

1. 1. Meredebei neteingiruni

   Heowá luagu líchuguni

   chansi le woun lun wamarieidun.

   Würi buitu, ma bínsiñe nun!

   (LEYA ÁGUYUGUAGÜDÜWABEI)

   Kei ǘrüwaguati lan agürügaü le,

   lunbei súnwandan

   katei le.

   Lau ladundehan Bungiu, buiti lidin woun.

   Ma nugundan lau buin niña lan

   lau bínsiñe nun,

   bínsiñe nun.

2. 2. Lau sun ñeinbei lan

   lénrengunga woun, wáfaaguba

   lun wadurarun lau ínsiñeni,

   úa láamuga adüraaguti.

   O uá, úabei.

   (LEYA ÁGUYUGUAGÜDÜWABEI)

   Kei ǘrüwaguati lan agürügaü le,

   lunbei súnwandan

   katei le.

   Lau ladundehan Bungiu, buiti lidin woun.

   Ma nugundan lau buin niña lan

   lau bínsiñe nun,

   bínsiñe nun.

   (ASANSIRUNI)

   Ínsiñeni wádanbei,

   maweiyasunbadiwa éñeguchei.

   Tibimen nanigi, würi wéndetu,

   to ledewehaboun Bungiu Wáguchi nun

   lun netenirun bun buin lau ínsiñeni.

   Ma gebegi ban nun númari.

3. 3. Guentó, nariñaguñein bun

   luagu weiri lan bínsiñe nun.

   Biní numuti dan le wéiribei

   lubuidun weyu le wamarieidunbei.

   Chekübei.

   (LEYA ÁGUYUGUAGÜDÜWABEI)

   Kei ǘrüwaguati lan agürügaü le

   lunbei súnwandan,

   katei le.

   Lau ladundehan Bungiu, buiti lidin woun.

   Ma nugundan lau buin niña lan

   lau bínsiñe nun,

   bínsiñe nun.

   Ma nugundan lau buin niña lan

   lau bínsiñe nun.