Weremuha lun Heowá (iseri uremu)
Darí humá hisebáhari eremuhei iseri uremu le adügǘbei lun lalawahóun Bungiu Heowá luma lun láhudurawagun lun. Rarigüda huméi uremu luma liletüran.
UREMU NÚMERU 136
Gumeseeli Larúeihan Bungiu agumadiha!
Aban lubuidun uremu le lun lalawahóun Heowá luagu lagumeserun Hesukrístu agumadiha lidan Larúeihan.
UREMU NÚMERU 137
Ruba erei luma ganigi woun
Óundara huméi humalali wama lidan uremu le aubei wayumuragua lun Heowá lun líchugun ganigi woun lun wapurichihan houn amu luagu liri.
UREMU NÚMERU 138
Heowá bíribei
Alawaha huméi liri Heowá le wéirigubei ani subudigüda huméi houn sun gürigia ligía lan Íñugutimabei.
UREMU NÚMERU 139
Íderaguabaña lun here lan hafiñen
Aban furíei lun Heowá lun líderaguniña lubúeingu lun hawandun lau úaraguni, gayara láamuga hawinwandun lun súnwandan.
UREMU NÚMERU 140
Libagari aban prekursoru
Ariñaga huméi lun Heowá weiri lan ínsiñeni le hasandirubei luagu luma luagu busén humá úaragua humá lun. Ariñaga humá giñe lun gunda humá lau ibagari le hanúadirubei luma lau chansi le líchugubei hun.
UREMU NÚMERU 141
Wáluahañanu ha hínsiñehabubaña lun darangilaü
Aban lubuidun uremu le ayanuhati luagu ínsiñeni le wasandirubei hawagu amu gürigia luma luagu ligaburi wáluahaniña ha busentiña heseriwidun lun Bungiu.
UREMU NÚMERU 142
Apurichihatiwa houn sun hawuyeri gürigia
Ayanuhati uremu le luagu lubuidun ligaburi Heowá luma luagu ida luba lan wíderaguniña amu lun lumadagu hamá.
UREMU NÚMERU 144
Esefuruni houn gürigia
Gadaanigidiwa lun wapurichihani luganute Bungiu le lánina darangilaü.
UREMU NÚMERU 145
Nídiba apurichiha uguñe
Anihein dan himei wamuti werederun emeraagua, gama lumoun ruti Heowá erei woun lun wasigirun wabaruaguóun.
UREMU NÚMERU 146
“Íderagua humutina dan le híderaguniña”
Saminati Hesusu dan le lan wíderaguniña líbirigu ya ubouagu, ítara liña lan wadagimanu ligía luagu lufulesein.
UREMU NÚMERU 147
Aban néchani anuadirúaali
Góunigi lumutiña Heowá kristiánugu anúadiruaaña lau ínsiñeni, ani hínsiñeti houn kristiánugu ha hadügüni lugundan Bungiu.
UREMU NÚMERU 148
Derege bumuti Bisaani le hínsiñebei bun
Ru wamá seremei lun Heowá luagu idewesei le líchugubei woun. Ruti saragu emenigini woun.
UREMU NÚMERU 149
Seremei luagu esefuruni
Lebegi asalbaruni ligía idewesei le wéiritimati le resibi wamaalibei, ani ínchaha lumutiwa lun wíchugun seremei lun Heowá súnwandan.
UREMU NÚMERU 150
Seriwitiwa le ñein lubéi wemegeirúa
Arufuda huméi ubebeni le hasandirubei luagu heseriwidun ñein lubéi labusenra Heowá layusurunün.
UREMU NÚMERU 151
Heresibiruni lirahüñü Bungiu halagante
Wéiriti wayumahan lun lachülürün weyu lun lanügüniña Heowá líbirigu Kristu sielun, ibiha hawaamugei hagañeirun luma hafayeiruaha.
UREMU NÚMERU 152
Rútibu erei, ichouruni luma ganigi nun
Dan le wanufudedun ladüga saragu turóbuli lidan wabagari, ruti Heowá erei, ichouruni luma ganigi woun.
UREMU NÚMERU 153
Ida liña basandiragun bungua?
Wéiriti wagundan dan le wapurichihan luma warufudahan lau ubebeni.
UREMU NÚMERU 154
Seriwi wamá lau awanduni
Aban uremu le lunbei líderaguniwa awandei turobuli luma lun wasigirun eseriwida lun Heowá lidan úaraguni danme le wóuchawagun.
