Uremu númeru 137
Ruba erei luma ganigi woun
-
Kei wapurichihan luagu
katei lan Barúeihan,
Aba háluahan saragu
lun mayanuhan wamá.
Gama lumoun, bun Heowá,
wadüga gasu súnwandan.
Rubei bani sífiri sandu
lun ganigiméme wamá.
(LEYA ÁGUYUGUAGÜDÜWABEI)
Bungiu Baba, lau fulesei,
ruba anigi woun, Heowá,
lun wapurichihan buagu,
lun manufude wamá.
Anitén Arümahedón,
rualá uganu guentó.
Bungiu Baba, tenibá lun
wafurieidún.
-
Kei gunfuranda bubalin
múa lan wabuñabei,
aba bídehan lun lidin
sun anufudei wawéi.
Kei le wéibaahouña lan
ladüga bánigu wamá,
ruba ídemuei woun lun woudin
lau ganigi apurichiha.
(LEYA ÁGUYUGUAGÜDÜWABEI)
Bungiu Baba, lau fulesei,
ruba anigi woun, Heowá,
lun wapurichihan buagu,
lun manufude wamá.
Anitén Arümahedón,
rualá uganu guentó.
Bungiu Baba, tenibá lun
wafurieidún.
(Ariha huméi giñe 1 Tesa. 2:2; Ebü. 10:35.)
