Te lakʼanxo ay Paraíso
1. Te wachʼtzin wabʼan yokʼ nokʼ much
tʼa jun jun kʼinhibʼalil.
Hilnabʼ tas wan yaj skʼex waʼan hebʼ
chamnakxo tʼa yibʼanh sat lum tik.
Te ay tzalajkʼolal tʼa
jun yolyibʼanhkʼinal tik.
Te wachʼxo pax tzʼaj hinnaʼan
wajekʼ tʼa Paraíso.
2. Te wachʼtzin yilji juntzanh pat
ay tʼa sti haʼ melem tik.
Stajni hebʼ unin tʼa sti haʼ.
Tʼa walyel malaj yahelal tʼa tik.
Te ay tas kabʼlejnhej yuj
juntzanh tas syakʼ tʼa sat lum.
Masanil honh te wachʼxo
kajekʼ tʼa Paraíso.
(PUENTE)
Ha tiknaʼik ayachxoʼekʼ
tʼa sat lum lum yalnak Jehová.
Manh hachkuslaj, manh hachokʼlaj.
Malaj chukal, malaj chamel.
3. Ayachekʼ yetʼ hapamilia.
Te tzijtum mach sbʼitani
yujto te junkʼolal yajʼ hebʼ.
Anaʼ, te siklabʼinak yekʼ ikʼ.
Te wachʼxo pax Jehová Dios,
yujto tzonhstexajanej.
Snibʼejwal winh to te wachʼ
tzonhʼaj tʼa Paraíso.
(PUENTE)
Tʼa pekatax, ixachinnaʼa.
Ha tiknaʼik, ixachwilxi.
Te junkʼolal tzintzetzoni.
Ayachekʼ wetʼ, ayinekʼ hetʼ.
4. Te lakʼanxo ay jun
Paraíso tiknaʼik.
Ha Jehová akʼannakkan stiʼ.
Tʼa walyel olelkʼoch tas syal winh.
Yuj chiʼ jun tanhwabʼilnhej wuʼuj.
Manh olchabʼaxlaj hinkʼoʼol.
Tʼa walyel wojtak to te
lakʼanxo ay Paraíso.
