«Olpitzwokxi hebʼ chamnak.» (Hechos 24:15, A Chʼan̈ Biblia Dʼa Chuj San Mateo. Sociedad Bíblica de Guatemala. Ixkʼexchaj stzʼibʼul.)

Olakʼchaj sniwanil hakʼoʼol hayik olcham junok hapamilia (2 Corintios 1:3, 4).

Manhxo olachte xiwlaj yuj chamel (Hebreos 2:15).

Olakʼwaloch tʼa hakʼoʼol to olilxoch hapamilia junelxo (Juan 11:25).

Hiʼ, yuj oxe tas skil tʼatik:

• Ha Dios akʼum kʼinal winh. Tʼa chʼanh Biblia tzʼalchaj tʼa Jehová: «Tʼayach skot kokʼinal icha yaj sjaj ha haʼ» (Salmo 36:9; Hechos 17:24, 25). Tato ixyal yakʼan skʼinal masanil tas ay, yuj chiʼ ay pax spoder yakʼanxi skʼinal mach hebʼ chamnakxo.

• Tʼa pektiʼ chiʼ Komam Dios akʼannak pitzwok jaywanh anima. Syal chʼanh Biblia to wajxake anima pitzwinak yuj winh, ajnakxi hebʼ tʼa sat lum luʼum tik. Ay hebʼ ix ix, hebʼ winh winak, chʼok chʼok yabʼilal hebʼ. Ay juntzanh hebʼ totowal chamnak. Ay jun winh chanhilxo kʼuʼal schami (Juan 11:39-44).

• Ha Dios snibʼej winh yakʼanxi skʼinal hebʼ chamnak. Ha Jehová schakel jun chamel chiʼ yujto icha junok ajkʼoʼol ma enemigo syiloch winh (1 Corintios 15:26). Tʼa walyel snibʼej winh satanel jun ajkʼoʼol chiʼ, olyakʼlajwok winh ha olpitzwokxi hebʼ anima. Mach hebʼ ayekʼ tʼa spensar Jehová snibʼej winh to olajxekʼ hebʼ tʼa lum luʼum tik (Job 14:14, 15).