Juntzanh olkolwaj tʼayach yik olyal hasayan hil junjun lección
Say hil tas syal jun chʼanh huʼum tik yetʼ junok mach syal schʼoxan hilaʼ. Syal halan tʼa jun anima ixakʼan jun chʼanh huʼum tik tʼayach tato hagana hilanel tas syal chʼanh ma tzakʼankot tʼa kositio yik Internet mach syal hach skʼaybʼani, jw.org.
BʼABʼEL MAKANH
Awtej juntzanh párrafo smasanil. Yetʼnak juntzanh pregunta ayoch snúmeroʼal (A) yetʼnak pax juntzanh texto kʼikʼikʼ yilji (B) yik scheklajel juntzanh punto te yowalil yetʼnak. Ay pax juntzanh texto bʼaj syalaʼ awtejek.
SCHABʼIL MAKANH
Ha jun bʼabʼel párrafo bʼaj syalaʼ «Kowachʼ sayejek kil jun sjolomal tik» ha tzʼalani tas jun olkosay kil chiʼ (C).Ha juntzanh subtítulo ayoch snúmeroʼal ha tzʼalani mach juntzanh punto te yowalil chiʼ (D). Awtej juntzanh texto yetʼnak, tzatakʼwan juntzanh pregunta, tzilan juntzanh video (E).
Say hil juntzanh yechel yetʼnak yetʼ jun bʼaj syalaʼ tas tzʼelkʼochi (F), tzanaʼani tas olʼaj hatakʼwi tʼa jun bʼaj syalaʼ «Ay hebʼ anima tzʼalani» (G).
YOXIL MAKANH
Junjun lección ol-lajwok tʼa bʼaj syalaʼ, «Juntzanh ixkokʼaybʼej» yetʼ jun bʼaj syalaʼ «Konaʼekkot tas ixkokʼaybʼej» (H). Ha slajwi hakʼaybʼan junjun lección tzatzʼibʼanemi bʼakʼinh ixlajwi huʼuj. Ha tʼa jun bʼaj syalaʼ «Akʼlej habʼoʼan jun tik» olkolwaj tʼayach yik tzikʼ hajelanil (I). Haxo tʼa jun bʼaj syalaʼ «Say hil juntzanhxo tik» olilchaj juntzanh video yetʼ juntzanhxo tas syal hilani (J).
Tas olʼaj yilchaj junok texto yik chʼanh Biblia huʼuj
Junjun texto yetʼnak ayem sbʼi tas libroʼal (A), scapítuloʼal (B), sversículoʼal ma juntzanhxo versículo (C). Kʼinalok, Juan 17:3 syalelkʼochi «chʼanh libro yik Juan, capítulo 17, versículo 3».
