LECCIÓN 02

Ha chʼanh Biblia tzʼalan juntzanh tas syal kakʼanoch yipok kokʼoʼol

REPRODUCIR EN

Tʼa masanil yolyibʼanhkʼinal tik, masanil anima sjawi juntzanh chukal, yahelal, kuskʼolal tʼa yibʼanh. Ayxo bʼaj icha chiʼ tzakʼulej? Tekan wan ha te habʼan syahil yuj junok ilyaʼ ma yuj schamel junok hapamiliʼa tzatexajanej, mato tzakʼanbʼej habʼi tato ay junok kʼuhal olsatel juntzanh tik. Ha yuj tas syal chʼanh Biblia tzonhoch junkʼolal.

1. Tas jun syal chʼanh Biblia syal kakʼanoch yipok kokʼoʼol?

Ha chʼanh Biblia tzʼalani tas yuj te ayxo pax chukal tʼa yolyibʼanhkʼinal tik. Syalan pax chʼanh tʼayonh, to ekʼelbʼanhej yaji to toxo olsatelok. Ha tas syal chʼanh Biblia syal skolwaj tʼayonh yik wachʼ ay tas syal kakʼanoch yipok kokʼoʼol tʼa bʼakʼinh (awtej Jeremías 29:11, 12). Ha tas syal chʼanh skolwaj tʼayonh yik skakʼ techaj juntzanh chukal sek max somchajpaxel kopensar. Skolwaj pax tʼayonh kakʼanoch tʼa kokʼoʼol to tzalajkʼolal olonhajekʼ tʼa junelnhej.

2. Tas syal chʼanh Biblia tʼa yibʼanh tas olonhaj tʼa bʼakʼinh?

Ha chʼanh Biblia slolon tʼa yibʼanh jun tiempoʼal bʼajtil «manhxalaj chamel, ma okʼel, manhxalaj kuskʼolal, manhxa paxlaj yahelal» (awtej Apocalipsis 21:4). Olsatel masanil juntzanh chukal tzʼikʼan kabʼan syahil, ichok mebʼaʼil, juntzanh tas manh tojolok, juntzanh ilyaʼ yetʼ chamel. Ha chʼanh Biblia tzʼalani to ha hebʼ anima olyal yakʼanwal sgana hebʼ yajekʼ tʼa junelnhej tʼa sat lum luʼum tik ha olochxikan lum paraísoʼal.

3. Tas olkolwaj tʼayach sek olawachʼ akʼejoch tʼa hakʼoʼol tas syal chʼanh Biblia?

Te tzijtum anima tzʼakʼanoch tʼa skʼoʼol to olwachʼ bʼo jun yolyibʼanhkʼinal tik, palta manh yojtakok hebʼ tato tʼa walyel olelkʼochok. Palta manh ichokchilaj syal chʼanh Biblia. Syal kakʼanoch tʼa kokʼoʼol tas syal chʼanh tato skokʼaybʼej «tas tzʼibʼabʼilkan tʼa sLolonel Dios» (Hechos 17:11). Ha juntzanh tik olkolwaj tʼayach sek munil olanaʼeli tato olakʼoch tʼa hakʼoʼol tas syal chʼanh Biblia tʼa yibʼanh jun tiempoʼal toto oljawok.

KOWACHʼ SAYEJEK KIL JUN SJOLOMAL TIK

Kosayek kil tas aykanem tʼa chʼanh Biblia tʼa yibʼanh jun tiempoʼal toto oljawok. Olkilani tas tzʼaj skolwaj juntzanh tik tʼa juntzanhxo anima tiknaʼik.

4. Ha chʼanh Biblia tzʼalani to olyal kajekʼ tʼa junelnhej bʼajtil manhxalaj jabʼok kopaltaʼil

Hilnabʼ tas yalnakkan koMam Dios tʼa chʼanh Biblia tʼa jun lista tik. Machtak scha hakʼoʼol, tas pax yuʼuj?

Awtejek juntzanh texto yik chʼanh Biblia ixtota tzetakʼwan juntzanh pregunta tik:

Tom syal kakʼanoch juntzanh texto tik yipok kokʼoʼol? Tom olkolwaj pax tʼa hebʼ hapamiliʼa yetʼ tʼa hebʼ amigo?

Nanabʼ jun yolyibʼanhkʼinal bʼaj olachajekʼ icha tik:

MALAJ MACH...	MASANIL ANIMA...
... olyabʼ syahil, olichamaxok ma olchamok (Isaías 25:8)	... olilan skʼexwaʼanh spamiliʼa, olʼajxekʼ hebʼ tʼa sat lum luʼum tik (Juan 5:28, 29)
... olpenaʼayaxok manhxa paxlaj mach olʼaj spaltaʼil (Isaías 33:24; 35:5, 6)	... te wachʼxo olʼaj skʼoʼol hebʼ, olʼaj yip hebʼ icha hebʼ kelem kobʼestak (Job 33:25)
... manhxalaj mach olixtajok (Isaías 32:16, 17)	... manhxo jantakok tas olyabʼlej hebʼ, te wachʼ olʼaj spat hebʼ smunlajel hebʼ (Salmo 72:16; Isaías 65:21, 22)
... olabʼan syahil yuj owal (Salmo 46:9)	... olyakʼwal sgana hebʼ yajekʼ tʼa junkʼolal (Salmo 37:11)
... chuk olʼaj yakʼan pensar ma snaʼankot juntzanh tas akʼannak chukal tʼay (Isaías 65:17)	... te wachʼxo pax olʼajekʼ hebʼ tʼa junelnhej (Salmo 37:29)

5. Ha tas syal chʼanh Biblia syal skolwaj tʼa kokʼinal

Te tzijtum juntzanh anima sjawi schabʼkʼolal ma ste kot yowal yuj juntzanh chukal ay tʼa yolyibʼanhkʼinal tik. Aywal juntzanh hebʼ tzʼakʼanwal yip sek sbʼoʼi. Hilnabʼ tas tzʼaj skolwaj tas syal chʼanh Biblia tʼa hebʼ anima tiknaʼik. Hilek jun VIDEO tik ixtota tzetakʼwan juntzanh pregunta tik:

VIDEO: Hinnibʼejnak hinchʼolbʼitej yaj juntzanh tas manh tojolok (4:07)

Icha ixkil tʼa jun video tik, tas juntzanh manh tojolok bʼaj te ochnak ix Rafika ilkʼolal?
Wachʼxom max satel-laj juntzanh tas manh tojolok ixyil ix, palta tas aj skolwajnak chʼanh Biblia tʼa ix?

Ha tas syal chʼanh Biblia ha skolwaj tʼayonh sek max somchajel kopensar skakʼan pax techaj juntzanh chukal sja tʼa kibʼanh. Awtejek Proverbios 17:22 yetʼ Romanos 12:12, ixtota tzetakʼwan jun pregunta tik:

Tom syal skolwaj juntzanh syal chʼanh Biblia tʼayach tiknaʼik? Tas yuʼuj?

AY HEBʼ ANIMA TZʼALANI: «Te wachʼ juntzanh syal chʼanh Biblia tik palta tekan manh yeloklaj».

Tato ay juntzanh tas schʼoxaneli to ha juntzanh syal chʼanh Biblia olelkʼochok, tom yowalil skosay kilaʼ? Tas yuʼuj?

JUNTZANH IXKOKʼAYBʼEJ

Te wachʼxo pax juntzanh syaltej chʼanh Biblia tʼayonh, ha jun chiʼ syal kakʼanoch yipok kokʼoʼol, skolwaj pax tʼayonh sek skakʼ techaj juntzanh chukal sja tʼa kibʼanh.