LECCIÓN 03
Tom syal kakʼanoch tʼa kokʼoʼol tas syal chʼanh Biblia?
Te tzijtum juntzanh bʼaj yakʼnakkan sti koMam Dios tzʼilchaj kuʼuj tʼa chʼanh Biblia yetʼ juntzanh kachnabʼil. Tekan hagana hilanel tas syalaʼ. Palta tekanto ay bʼaj maxwal hachalaj. Tom syal kakʼanoch tʼa kokʼoʼol juntzanh bʼaj yakʼnakkan sti koMam Dios yetʼ juntzanh kachnabʼil alchajnakkan tʼa jun chʼanh huʼum te pekatax bʼochajnakkani? Tom syal kakʼanoch tʼa kokʼoʼol jun syal chʼanh Biblia to tzalajkʼolal olonhaj tiknaʼik yetʼ tʼa jun tiempoʼal toto oljawok? Manhxo jantakok hebʼ anima snaʼani to hiʼ. Skal tʼayach to tzileli tas yuj ixta tzʼaj snaʼan hebʼ, tzilani tato syal hakʼanoch tʼa hakʼoʼol.
1. Tom tʼa walyel elnakkʼoch juntzanh syal chʼanh Biblia?
Ha chʼanh Biblia tzʼalani «to wachʼnhej schaʼan sbʼa to yel» tzʼibʼchajnakkan ichawal tʼa smojal (Eclesiastés 12:10). Slolon tʼa yibʼanh juntzanh tas tʼa walyel ujinak yetʼ tʼa yibʼanh juntzanh anima ekʼnak (awtej Lucas 1:3 yetʼ 3:1, 2). Te tzijtum juntzanh hebʼ historiador yetʼ hebʼ arqueólogo hilannakelta to tʼa walyel ujinak juntzanh tas, ichok juntzanh anima, juntzanh chonhabʼ yetʼ juntzanhxo tas syal chʼanh Biblia.
2. Tas yuj syal kakʼanoch tʼa kokʼoʼol tas syal chʼanh Biblia wachʼxom te pekataxxo bʼochajnakkan chʼanh?
Hatax stzʼibʼchajnakkan chʼanh Biblia, ay juntzanh tas te ayto yuji stzʼibʼchajnakkan tʼa yol chʼanh. Kʼinalok, slolon tʼa yibʼanh tas syal ciencia. Wachʼxom chʼokchʼoklaj tzʼaj yalan hebʼ anima tʼa yibʼanh juntzanh tik hayik stzʼibʼchajnakkan chʼanh. Palta, ha tiknaʼik, ha jun ciencia chiʼ schʼoxaneli to te yel syal chʼanh Biblia. Ha tas syalaʼ «te tojol yaji, yelnhej pax syalaʼ» (Salmo 111:8).
3. Tas yuj syal kakʼanoch tʼa kokʼoʼol tas syal chʼanh Biblia tʼa yibʼanh jun tiempoʼal toto oljawok?
Ay juntzanh profecía a aykanem tʼa chʼanh Biblia ayokto yalchajnakkani «tastak toto olujok» (Isaías 46:10). Ayokto stzʼibʼajnakkan tʼa chʼanh Biblia juntzanh tas toto olujok. Hanhejtonaʼ, sikʼlabʼil yalnakkan chʼanh juntzanh wan yuji tiknaʼik. Ha tʼa jun lección tik olkosay kil juntzanh profecía yik chʼanh Biblia, olkilan paxi to tʼa walyel slaj elkʼoch juntzanh syal chʼanh.
KOWACHʼ SAYEJEK KIL JUN SJOLOMAL TIK
Kilek to ha tas syal juntzanh ciencia scha sbʼa yetʼ tas syal chʼanh Biblia skosayan pax kil juntzanh profecía yik chʼanh Biblia.
4. Ha jun ciencia tzʼalani to te yel syal chʼanh Biblia
Ha tʼa pekti, te tzijtum anima naʼannak to ha lum luʼum tik ay tas yamjinak luʼum. Hilek jun VIDEO tik.
Hilnabʼ jun tzʼibʼchajnakkan tʼa chʼanh huʼum yik Job yiktax 3.500 habʼil. Awtejek Job 26:7 ixtota tzetakʼwan jun pregunta tik:
-
Tas yuj tzonhoch kʼelan kabʼan tas syal chʼanh Biblia to ha lum luʼum bʼochajnakkanoch luʼum bʼaj «malaj tasi»?
200 anto yabʼilal snachajel yuj hebʼ anima tas yaj sbʼobʼenal ha haʼ. Palta hilnabʼ tas aj yalannakkan chʼanh Biblia tʼa pekti. Awtejek Job 36:27, 28 ixtota tzetakʼwan juntzanh pregunta tik:
-
Tas jun scha hakʼoʼol tʼa yibʼanh tas yaj sbʼobʼenal ha haʼ?
-
Tom skolwaj juntzanh texto ixawtej tik tʼayach yik tzawachʼ akʼejoch tas syal chʼanh Biblia tʼa hakʼoʼol?
5. Ha chʼanh Biblia slolon tʼa yibʼanh juntzanh tas te niwan yelkʼochi
Awtejek Isaías 44:27-45:2 ixtota tzetakʼwan jun pregunta tik:
-
Tas juntzanh yalnakkan chʼanh Biblia tʼa yibʼanh tas aj satnakkel Babilonia 200 habʼil hayik manto ujilaj?
Ha juntzanh tas ujinak tʼa habʼil 539 ha manto jalaj Cristo ha schʼoxaneli to ha jun winh sreyal Persa skuch Ciro yetʼ hebʼ yejército satannakel jun chonhabʼ Babilonia. Bʼabʼel, skʼex bʼeʼej jun ha haʼ hebʼ ayoch sibʼan tʼa spatiktak jun chonhabʼ chiʼ. Anaʼ yujto kan jakan juntzanh spuertaʼil jun chonhabʼ Babilonia chiʼ yuj chiʼ maj yakʼlaj owal hebʼ yoch bʼat yoʼol, icha chiʼ aj yikanel jun chonhabʼ chiʼ hebʼ. Másxo 2.500 habʼil yuji jun chiʼ, ha tiknaʼik hanhejtoʼaʼ tzʼinan yajkani. Hilnabʼ tas yalnakkan chʼanh Biblia tʼa yibʼanh.
Awtejek Isaías 13:19, 20 ixtota tzetakʼwan jun pregunta tik:
-
Tas aj yelnakkʼoch jun profecía tik?
Juntzanh ruina yik Babilonia, tʼa Irak
6. Ha chʼanh Biblia alannakkan juntzanh wan yuji tiknaʼik
«Lajwubʼ kʼuhal» syal chʼanh Biblia tʼa jun kotiempoʼal tik (2 Timoteo 3:1). Hilnabʼ tas yalnakkan chʼanh tʼa yibʼanh.
Awtejek Mateo 24:6, 7 ixtota tzetakʼwan jun pregunta tik:
-
Tas juntzanh te yowalil yalnakkan chʼanh Biblia tʼa yibʼanh lajwubʼ kʼuhal?
Awtejek 2 Timoteo 3:1-5 ixtota tzetakʼwan juntzanh pregunta tik:
-
Icha tzʼaj yalan chʼanh Biblia, tas juntzanh sbʼeybʼal hebʼ anima olkil tʼa jun lajwubʼ kʼuhal tik?
-
Machtak juntzanh modoʼal ixkil tʼa juntzanh texto tik tzil tʼa hebʼ anima tiknaʼik?
AY HEBʼ ANIMA TZʼALANI: «Ikʼtinhej yaj juntzanh ayem tʼa yol chʼanh Biblia».
-
Tas jun tzʼikʼan akʼanoch tʼa hakʼoʼol to ha tas syal chʼanh Biblia te yel?
JUNTZANH IXKOKʼAYBʼEJ
Ha ciencia, historia yetʼ juntzanh profecía schʼoxaneli to syal kakʼanoch tas syal chʼanh Biblia yipok kokʼoʼol.
Konaʼekkot tas ixkokʼaybʼej
-
Tom tʼa walyel tzʼelkʼoch juntzanh tas syal chʼanh Biblia mato ikʼtinhej ayem yol chʼanh?
-
Tas tzʼaj schʼoxanel jun ciencia to te yel tas syal chʼanh Biblia?
-
Tom tzachaʼa to ha chʼanh Biblia tzʼalan juntzanh tas toto olujok? Tas yuj icha chiʼ tzʼaj hanaʼani?
SAY HIL JUNTZANHXO TIK
Yuj juntzanh syal hebʼ científico, tom yel syal chʼanh Biblia?
«¿Concuerda la Biblia con lo que ha descubierto la ciencia?» (Tzʼilchaj jun tik tʼa jw.org)
Tas juntzanh schʼoxaneli to ayonhxoʼekʼ «tʼa lajwubʼ kʼuhal»?
«Seis profecías bíblicas en pleno cumplimiento» (La Atalaya, 1 de mayo de 2011)
Hilaʼ tas aj yelnakkʼoch juntzanh profecía yik chʼanh Biblia tʼa yibʼanh jun Imperio griego.
Hilaʼ tas aj skolwajnak juntzanh profecía syal chʼanh Biblia yik skʼex spensar jun winh winak tʼa yibʼanh chʼanh.
a Ha juntzanh profecía tik, te tzijtum tas yetʼnak, syalelkʼoch pax juntzanh abʼix yalnakkan koMam Dios tʼa yibʼanh jun tiempoʼal toto oljawok.
