«Ha Dios [...] olsukanel yal sat hebʼ. Ataʼ manhxalaj chamel, ma okʼel, manhxalaj kuskʼolal, manhxa paxlaj yaʼelal. Yujto ha masanil tas ay tʼa yalanh, toxo ixʼekʼbʼati, xchi.» (Apocalipsis [Revelación]21:3, 4, A Chʼan̈ Biblia Dʼa Chuj San Mateo. Sociedad Bíblica de Guatemala. Ixkʼexchaj stzʼibʼul.)

Manh nabʼanhejok olonh munlajok, ana paxi junkʼolalxonhej olkobʼoʼo (Isaías 65:21-23).

Manhxo olkabʼlaj syaʼil, manhxo olonh penaʼayaxlaj paxi (Isaías 25:8; 33:24).

Tzalajkʼolal olonhaj tʼa junelnhej yetʼ masanil kopamilia yetʼ hebʼ kamigo (Salmo 37:11, 29).

Hiʼ, yuj chabʼ tas skil tʼatik:

• Ha Dios ay spoder yakʼan yelkʼoch juntzanh wan yaltan tik. Ha chʼanh Biblia syalaʼ to ha Dios, masanil tas syal yuʼuj, yujto manh bʼischaj bʼenok spoder (Apocalipsis [Revelación] 15:3). Yuj chiʼ jun, tato syal Dios to olswachʼ bʼoʼej jun yolyibʼanhkʼinal tik winh, syal kakʼanoch tʼa kokʼoʼol to olyakʼyelkʼoch slolonel winh. Yujto ha tʼa chʼanh Biblia syalaʼ: «Palta anhej Dios syal yuʼuj. Yujto masanil tas syalnhej yuʼuj» (Mateo 19:26).

• Ha Dios, sgana to tzʼelnhejkʼoch jun syaltej tik. Kʼinalok, ha hebʼ anima chamnak, ha chʼanh Biblia syalaʼ to ha Jehová snibʼejwal winh yakʼan pitzwokxi hebʼ (Job 14:14, 15).

  Syalanxi chʼanh to ha Jesús chiʼ yanhtejnak hebʼ penaʼay winh. Palta, tas yuj ixsbʼo winh? Yujto ajun chiʼ snibʼej winh sbʼoʼani (Marcos 1:40, 41). Ha jun sbʼeybʼal winh chiʼ, schʼoxnakeli to ha smam winh snibʼej skolanel hebʼ ilbʼajkʼoʼol yaji (Juan 5:19).

  Yetʼ juntzanh tik, syal kakʼanoch tʼa kokʼoʼol to ha Jehová yetʼ winh kajal Jesús snibʼejwal hebʼ winh to te tzalajkʼolalwal tzonhajekʼ tʼa jun tiempoʼal oljawok (Salmo 72:12-14; 145:16; 2 Pedro 3:9).