SJOLOMAL 8
Tas yuʼuj ixcham Jesús?
Ixcham Jesús kuʼuj sek syal kochaʼan kokʼinal tʼa junelnhej (Juan 3:16)
Yoxjiʼal schamel Jesús chiʼ, ay juntzanh hebʼ ix ix ixbʼat bʼaj mukan winh chiʼ. Haxo ixyilan hebʼ ix malaj mach ayekʼi, yujto ha Jehová ixʼakʼan pitzwok winh.
Ixta bʼiʼan chʼoxan sbʼa winh tʼa hebʼ winh schekabʼ.
Ha sniwanil ixyakʼ Komam Dios tʼay icha yik hebʼ ángeles. Ixilchaj skʼe winh tʼa satchaʼanh yuj hebʼ skʼaybʼum chiʼ. Atiknaʼik manhxo olchamlaj yujto te ay spoder winh, anaʼ paxi espíritu winh.
Komam Dios ixʼakʼanxi pitzwok Jesús chiʼ ixyakʼanoch Yajalil (Daniel 7:13, 14)
Ha Jesús yakʼnak skʼinal yik skolelta hebʼ anima winh tʼa smul yetʼ tʼa chamel (Mateo 20:28). Yuj chiʼ syal kochaʼan kokʼinal tʼa junelnhej.
Ha Jesús chiʼ ixsikʼjiʼel yuj Jehová sek syakʼ yajalil tʼa sat lum luʼum tik. Manh schʼokojoklaj olyakʼ yajalil chiʼ. 144.000 hebʼ smaklan yabʼ winh, olbʼat tʼa satchaʼanh chiʼ ha olpitzwokxi hebʼ. Ha jun yajalil te tojol chiʼ yik Komam Dios (Apocalipsis [Revelación] 14:1-3).
Ha lum luʼum tik te wachʼtzin olajkan luʼum yuj jun Yajalil chiʼ. Manhxalaj owal, manhxalaj elkʼum, manhxalaj mebʼaʼil manhxa paxlaj wejel. Te tzalajkʼolal olajekʼ hebʼ anima (Salmo 145:16).
Syal pax hilan jun tik
JUNTZANH TAS TE NIWANYELKʼOCH SYAL CHʼANH BIBLIA
Tas yuj chamnak Jesús?
Ha tʼa chʼanh Biblia syalaʼ to te niwan yelkʼoch schamel Jesús. Tom ay ixʼelkʼoch schamel Jesús chiʼ?
SCHAMEL CRISTO
Konaʼekkot schamel Jesús
Tzexkawtejkot ketʼok tʼa jun kʼu te niwan yelkʼoch tik. Olakʼaybʼey tas swachʼil syal hachaʼan yuj skʼinal yetʼ schamel Jesús chiʼ.
LIBROS YETʼ FOLLETOS
Tom olpitzwokxi hebʼ chamnak?
Ayxoʼam jonok mach chamnak tʼayach? Ha tas syal chʼanh Biblia ach kolani.
