¿Ja reʼ nrajoʼ ri Dios pa qawiʼ?
WAKAMI, ri itzelal xa bʼa akuchi (apeʼ) na nawakʼaxaj o natzʼët wi. Ruyon elëqʼ, oyowal chuqaʼ nimaʼq taq kamisanïk yebʼanatäj. Wakami tatzʼetaʼ qa ri kʼayewal e awilon rat. Rikʼin bʼaʼ jun yabʼil o rukamik jun awachʼalal rupoysan akʼuʼx. Rikʼin bʼaʼ rat nanaʼ achiʼel xunaʼ ri Job, ri jun utziläj achin. Rijaʼ xubʼij: «Ruyon qʼaxoʼn ri wilon» (Job 3:26).
Rikʼin bʼaʼ rat nabʼij:
-
¿Ja reʼ nrajoʼ ri Dios pa nuwiʼ chuqaʼ pa kiwiʼ konojel winäq?
-
¿Achoj rikʼin xtinwïl nutoʼik richin xkensöl ri nukʼayewal?
-
¿La kʼo jun qʼij xtkʼojeʼ uxlanibʼäl kʼuʼx chi Ruwachʼulew?
Ri Biblia nuyaʼ kiqʼalajrisaxik re kʼutunïk reʼ.
RI BIBLIA NUBʼIJ CHI RI DIOS XKERUSÖL RI KʼAYEWAL CHI RUWACHʼULEW.
«Xtusuʼ [...] ruyaʼal runaqʼ kiwäch, ruma kan xtubʼän chi xtkʼis el ri qʼaxoʼn y ri jiloj. Kan xtkʼis el chuqaʼ ri kamïk y ri oqʼej» (Apocalipsis 21:4).
«Ri e jetzʼ kan xketzopiyaj achiʼel nubʼän ri masat» (Isaías 35:6).
«Ri e moyiʼ xketzuʼun» (Isaías 35:5).
«Ri kaminaqiʼ [...] xkebʼeyakatäj kʼa pe» (Juan 5:28, 29).
«Majun chi ke ri qawinaq ri xtyawäj ta» (Isaías 33:24).
«Kan pa rukʼiyal kʼa ri ixin ri xtwachin» chi Ruwachʼulew (Salmo 72:16).
TAWETAMAJ RI NUKʼÜT RI BIBLIA
Man tabʼij chi xa choj jun achïkʼ ri kisolik ri kʼayewal xeqasikʼij kan. Reʼ ja ri Jehová sujuyun. Ri Biblia nubʼij achike rubʼeyal xtubʼän chi re.
Man xa xe ta riʼ. Ri Biblia nukʼüt chuqaʼ achike rubʼeyal nqïl kikotem pa qakʼaslem wakami. Tatzʼetaʼ qa ri kʼayewal e awilon chuqaʼ kipoysan akʼuʼx. Rikʼin bʼaʼ ri akʼayewal ruma ri pwäq, yabʼil, kamïk o kʼayewal chi kij awachʼalal. Ri Biblia yojrutoʼ richin yojqʼax chi kiwäch re kʼayewal reʼ, chuqaʼ nukuqubʼaʼ qakʼuʼx rikʼin kiqʼalajrisaxik ri kʼutunïk, achiʼel reʼ:
-
¿Achike ruma kʼo tijoj poqonal pa qawiʼ?
-
¿Achike rubʼeyal nqapabʼaʼ qiʼ chi kiwäch ri kʼayewal?
-
We oj kʼulan, ¿achike nqabʼän richin kʼo kikotem pa qachoch?
-
¿Achike nqabʼän toq yojkäm?
-
¿La kʼo jun qʼij xkeqatzʼët chik ri qachʼalal e kaminäq el?
-
¿Achike ruma nqakuqubʼaʼ qakʼuʼx chi ri Dios xtubʼän ri rusujun?
Ri yeʼasikʼij re tzij reʼ nubʼij chi rat nawajoʼ nawetamaj ri nubʼij ri Biblia chi kij re kʼutunïk reʼ. Ri wuj kʼo pa aqʼaʼ xkarutoʼ rikʼin reʼ. We natzʼët, e kʼo kʼutunïk chi kij ri chʼutiʼ taq tanaj. Ri testigos de Jehová yekikusaj ri kʼutunïk toq nkitijoj kiʼ chi rij ri Biblia. Re jun rubʼeyal tijonïk reʼ e kʼïy winäq ütz yetzʼeton. Nqajoʼ kʼa chi ütz ta chuqaʼ xtatzʼët rat. Ri Dios xtuyaʼ kʼïy urtusanïk pa awiʼ we rat xtawetamaj ri qas nukʼüt ri Biblia.
Puede que también le interese
CHI QIJ RÖJ
¿Achike rubʼanik jun tijonïk chi rij ri Loqʼoläj Wuj?
Ronojel ruwachʼulew, ri ruqʼalajrisanelaʼ ri Jehová etaman qawäch ruma ri tijonïk nqayaʼ chi rij ri Loqʼoläj Wuj chuqaʼ ri man tojon ta. Tatzʼetaʼ achike rubʼanik nqabʼän chi re.
