¿Achike nyaʼon kikotem pa qachoch?
¿Nabʼij rat chi...
-
... ja ri ajowabʼäl?
-
... ri mero?
-
... o achike chik na jun?
RI LOQʼOLÄJ WUJ NUBʼIJ:
«Jebʼël yekikot ri yeʼakʼaxan ri rutzij ri Dios y nkibʼän ronojel ri nubʼij» (Lucas 11:28, El Nuevo Testamento en Cakchiquel Oriental, chojmirisan kitzʼibʼaxik).
RI UTZIL NUKʼÄM PE RI NAWETAMAJ
Xtqïl qitzij ajowabʼäl (Efesios 5:28, 29).
Xtqayaʼ qaqʼij chiqawäch (Efesios 5:33).
Ütz xkʼojbʼe pa qakʼaslem (Marcos 10:6-9).
¿ACHIKE RUMA ÜTZ NQANIMAJ RI NUBʼIJ RI LOQʼOLÄJ WUJ?
Kʼo kaʼiʼ ruma:
-
•Ja ri Dios xtikirisan ri familia. Ri Loqʼoläj Wuj nubʼij chi ja ri Jehová xtikirisan rubʼanik ri familia (Génesis 2:18-24). Nel chi tzij, ri familia e kʼo ruma ri Jehová. ¿Achike ruma ütz nqetamaj reʼ?
Jun tzʼetbʼäl. Reʼ achiʼel ta toq rat nawajoʼ nawetamaj achike yaʼon qa rikʼin jun qʼutuʼn ri kan kiʼ xanaʼ qa. ¿Achoj chi re xtakʼutuj wi? Qitzij na wi, rat xtakʼutuj chi re ri winäq xbʼanon.
Ke riʼ chuqaʼ chi rij ri kikotem, we rat nawajoʼ nawetamaj achike rubʼanik nkʼojeʼ kikotem pa awachoch, más ütz nakʼutuj chi re ri Jehová, ri xyaʼon rutikirisabʼäl ri familia.
-
Ri Dios yojrajoʼ. Rat chuqaʼ ri awachʼalal pa awachoch, ütz nikanoj inaʼoj chupam ri Loqʼoläj Wuj ruma ri Jehová kan yixruchajij wi (1 Pedro 5:6, 7). Ri Jehová nrajoʼ chi ütz yojbʼe pa qakʼaslem, ruma riʼ ruyon ütz taq naʼoj yeruyaʼ (Proverbios 3:5, 6; Isaías 48:17, 18).
TAKʼUTUJ QA CHAWÄCH REʼ:
¿Achike rubʼanik yinok jun utziläj achijil, ixjayil o tataʼaj?
Takanoj reʼ chupam ri EFESIOS 5:1, 2 chuqaʼ COLOSENSES 3:18-21.