¿Achike qas ri nqʼaton tzij chi ruwachʼulew?
¿Nabʼij rat chi...
-
... ja ri Dios?
-
... ja ri winaqiʼ?
-
... achike chik na jun?
RI LOQʼOLÄJ WUJ NUBʼIJ:
«Ronojel ri ruwachʼulew kʼo pa ruqʼaʼ ri itzel» (1 Juan 5:19, Ri Cʼacʼa Retal Tzij, chojmirisan kitzʼibʼaxik).
«Ruma riʼ toq xokʼulun ri Rukʼajol ri Dios, chuyojik ri rusamaj ri Itzel Winäq [Satanás]» (1 Juan 3:8, La Biblia en Kaqchikel Central, chojmirisan kitzʼibʼaxik).
RI UTZIL NUKʼÄM PE RI NAWETAMAJ
Xtqʼax chi qawäch achike ruma yebʼanatäj ri kʼayewal chi ruwachʼulew (Apocalipsis 12:12).
Yojtikïr nqoyobʼej jun utziläj kʼaslem (1 Juan 2:17).
¿ACHIKE RUMA ÜTZ NQANIMAJ RI NUBʼIJ RI LOQʼOLÄJ WUJ?
Kʼo oxiʼ ruma:
-
Ri ruqʼatbʼäl tzij ri Satanás xtkʼis ruwäch. Ri Jehová man xtuyaʼ ta chik qʼij chi ri Satanás xtuqʼät tzij pa kiwiʼ ri winäq. Ri Jehová nubʼij chi xtchʼakon chi rij ri Diablo chuqaʼ xtuchojmirisaj ronojel itzelal e rubʼanalon pe (Hebreos 2:14).
-
Ri Jesucristo rijaʼ ri qʼatöy tzij chaʼon ruma ri Jehová. Ri Jesús man rikʼin ta bʼaʼ junan rikʼin ri itzel qʼatöy tzij kʼo pa ruwiʼ ri ruwachʼulew wakami. Ri Jehová nubʼij chi toq ri Jesús xtqʼaton tzij: «Xtujoyowaj kʼa kiwäch ri man jun ok kʼo kikʼin [...]. Xtuköl kʼa ri kikʼaslem pa kiqʼaʼ ri qʼolonelaʼ y ri kamisanelaʼ» (Salmo 72:13, 14).
-
Ri Dios majun ntzʼukun ta tzij. Ri Loqʼoläj Wuj nubʼij chi ri Dios «man ntikïr ta nutzʼük tzij» (Hebreos 6:18). Ruma kʼa riʼ toq ri Jehová kʼo jun achike nusüj, ütz nqayaʼ rikʼin qanima chi kan xtuyaʼ wi (Isaías 55:10, 11). Jun chi ke ri rusujun ja ri «xtelesäx kʼa el ri ukʼwayon richin re ruwachʼulew» (Juan 12:31).
TAKʼUTUJ QA CHAWÄCH REʼ:
¿Achike rubʼanik ri kʼaslem toq man ja ta chik ri Satanás nqʼaton tzij?
Takanoj reʼ chupam ri SALMO 37:10, 11 chuqaʼ APOCALIPSIS 21:3, 4.
Puede que también le interese
ESSENTIAL BIBLE TEACHINGS
¿Achike ruma ri Dios ruya’on q’ij chi k’o ri tijoj poqonal?
K’ïy winaqi’ nkik’utuj qa chi kiwäch: ¿Achike ruma k’o janila itzelal chuqa’ tijoj poqonal chuwäch ronojel Ruwach’ulew? Ri nuq’alajrisaj ri Biblia nukuqub’a’ qak’u’x chi rij ri petenäq chi qawäch apo.
CAMPAÑA ESPECIAL
¿Achike ruma nqatijoj qiʼ chi rij ri Biblia?
Ri Biblia e kʼïy winäq e rutoʼon kikʼin ri nima’q taq kʼutunïk chi rij ri kʼaslem. ¿Nawajoʼ rat yarutoʼ chuqaʼ ri Biblia?
CHI QIJ RÖJ
Takʼutuj chi yojapon awikʼin
Tawetamaj ri ruqʼalajrisaxik jun kʼutunïk ri k’o pa Biblia o tawetamaj más chi kij ri testigos de Jehová.
