Ri Adán chuqaʼ ri Eva xekʼojeʼ kalkʼwal, ke riʼ xekʼiyïr ri winaqiʼ chi Ruwachʼulew. E kʼo ángeles xkibʼän achiʼel ri Satanás chuqaʼ xkiqʼäj rutzij ri Jehová.

Ke riʼ xepe chi Ruwachʼulew, achiʼel kibʼanik ri winaqiʼ, richin xekʼuleʼ kikʼin ri xtaniʼ. Ri kal xekʼojeʼ ri ixoqiʼ riʼ kan e jun wi chi kiwäch ri chʼaqa chik akʼwalaʼ, janila kuchuqʼaʼ chuqaʼ itzel kinaʼoj.

Kʼïy winaqiʼ xeʼitzelatäj pe. Ri Biblia nubʼij chi ri winaqiʼ xa xe chik itzelal yekibʼän. Ronojel ri kibʼanobʼal chuqaʼ ri kichʼobʼonik ruyon itzel.

Ri Noé utziläj wi achin. Ri Jehová xubʼij chi re chi xtukʼïs kiwäch ri itzel taq winäq rikʼin jun kamïk jöbʼ.

Chuqaʼ xubʼij chi re chi tubʼanaʼ jun arca richin xkerukusaj apo ri rachʼalal chuqaʼ ri chikopiʼ chupam.

Ri Noé xuyaʼ rutzijol chi xtpe jun kamïk jöbʼ, ja kʼa ri winaqiʼ man xkinimaj ta ri xubʼij. E kʼo ri xetzeʼen chi rij chuqaʼ e kʼo itzel xetzʼeton richin.

Toq xukʼïs rubʼanik ri arca xerukusaj apo ri chikopiʼ chupam.