TANAJ 3
Rubʼanik ri kʼaslem chuwäch ri Tikʼasäs Ulew pa Edén
Ri Jehová xuyaʼ ronojel ri nkʼatzin chi re ri Adán chuqaʼ ri Eva (Génesis 1:28).
Ri Jehová xubʼän ri Eva, ri nabʼey ixöq, ke riʼ xuyaʼ chi re ri Adán richin xok rixjayil (Génesis 2:21, 22).
Ri kichʼakul chuqaʼ kinaʼoj tzʼaqät wi rubʼanik.
Ri kachoch ja wi ri Tikʼasäs Ulew pa Edén. Kan jebʼël wi rubʼanon ronojel. E kʼo wi chikopiʼ, jun raqän yaʼ chuqaʼ cheʼ ri yewachin.
Ri Jehová nchʼon wi pe chi re ri Adán chuqaʼ ri Eva, nubʼij wi pe achike kʼo chi nkibʼän. We rijeʼ nkajoʼ wi yekʼaseʼ richin jantapeʼ chuwäch ri Tikʼasäs Ulew, kʼo wi chi nkibʼän ri nubʼij ri Dios.
Ri Jehová xa xe jun cheʼ ri xubʼij chi man tkitïj ruwäch (Génesis 2:16, 17).
Ri Jehová xukʼüt jun cheʼ chuwäch ri Adán chuqaʼ ri Eva. Chuqaʼ xubʼij chi we xtkitïj ruwäch, xkekäm.
Jun ángel xritzelaj pe riʼ chuwäch ri Jehová. Ri itzel ángel riʼ ja ri Satanás, nbʼïx chuqaʼ chi re Diablo.
Ri Satanás majun wi ütz ta nutzʼët chi ri Adán chuqaʼ ri Eva nkinimaj rutzij ri Jehová. Ruma riʼ xukusaj jun kumätz richin xchʼon rikʼin ri Eva. Xubʼij chi re chi man xtkäm ta we nutïj ruwäch ri cheʼ ri bʼin chi man tkitïj, chuqaʼ xubʼij chi xa xtok achiʼel ri Dios. Riʼ man qitzij ta kʼa (Génesis 3:1-5).
Puede que también le interese
ESSENTIAL BIBLE TEACHINGS
¿Achike ruma ri Dios xubʼän ri Ruwachʼulew?
Kan janila jebʼël ri Ruwachʼulew. Ri rukojöl rikʼin ri qʼij kan ja ri nkʼatzin xubʼän chi re y ri ranin richin nusutij riʼ kan ütz chuqaʼ. ¿Achike ruma ri Dios kan xuyaʼ ranima chi rij ri rubʼanik ri Ruwachʼulew?
