TANAJ 9
¿Jampeʼ xtubʼän tikʼasäs ulew ri Ruwachʼulew?
Ronojel ri nbʼanatäj wakami nubʼij chi ri ru-Reino ri Dios xtpe yan (Lucas 21:10, 11; 2 Timoteo 3:1-5).
Kʼïy chi ke ri yebʼanatäj wakami, rubʼin pe ri Biblia. Rubʼin pe chi ri winaqiʼ xtbʼe kanima chi kij ri kʼastajinïk chuqaʼ ri mero. Chuqaʼ chi ri akʼwalaʼ man xtkinimaj ta kitzij ri kiteʼ kitataʼ, xa itzel kinaʼoj xtkibʼän.
Rubʼin pe chuqaʼ chi xkebʼanatäj kabʼraqän, oyowal, wayijal chuqaʼ yabʼil. Ronojel reʼ najin wakami.
Chuqaʼ ri Jesús xubʼij chi ronojel Ruwachʼulew xtitzijöx chi rij ri ru-Reino ri Dios (Mateo 24:14).
Ri ru-Reino ri Dios xtukʼïs ruwäch ri itzelal (2 Pedro 3:13).
Ri Jehová xtukʼïs yan kiwäch ri itzel taq winäq.
Ri Satanás chuqaʼ ri demonios xkexim.
Ri xtkibʼän ri nubʼij ri Jehová xtkïl jun kʼakʼaʼ kʼaslem, jun kʼaslem ri akuchi majun chik xibʼirïk ta. Pa rukʼexel ri xibʼirïk, xa xtkikuqubʼaʼ kikʼuʼx chi kij konojel winaqiʼ. Konojel xtkajoʼ kiʼ.
Puede que también le interese
LIBROS CHUQAʼ FOLLETOS
¿Achike ri Rajawaren o ru-Reino ri Dios?
Toq xkʼoje ri Jesús chi ruwachʼulew xukʼüt kan ri achike xtubʼän ri ru-Reino ri Dios.
LIBROS CHUQAʼ FOLLETOS
¿La kʼo jun qʼij xtkʼis ri tijoj poqonal?
Ri Biblia nubʼij chi ri Dios itzel nutzʼët ri itzelal chuqaʼ nubʼij chi rijaʼ yeruchajij ri winäq ¿Achike nel chi tzij chawäch rat?
