TANAJ 7
¿Achike ri ru-Reino ri Dios?
1. ¿Achike ri ru-Reino ri Dios?
¿Achike ruma nqabʼij chi ja ri Jesús ri más ütz qʼatöy tzij? (MARCOS 1:40-42).
Jun qʼatbʼäl tzij chi kaj ri xkerujäl el konojel ri qʼatbʼäl taq tzij chi Ruwachʼulew chuqaʼ xtubʼän chi xtbʼanatäj ri rurayibʼal ri Dios chi kaj chuqaʼ chi Ruwachʼulew. Ri ru-Reino ri Dios, ri qʼatbʼäl tzij najowatäj pa kiwiʼ ri winaqiʼ, xtitikïr xtubʼän chi konojel ri winaqiʼ ütz xtkikʼwaj kiʼ. ¿Pejaʼ utziläj taq rutzijol reʼ? Tasikʼij Daniel 2:44; Mateo 6:9, 10; 24:14.
Xa bʼa achike qʼatbʼäl tzij nrajoʼ jun qʼatöy tzij, ri Jehová ja ri Jesucristo, ri Rukʼajol, ruchaʼon richin nqʼaton tzij pa ruwiʼ ri ru-Reino. Tasikʼij Apocalipsis 11:15.
Tatz’eta’ ri video ¿Achike ri ru-Reino ri Dios?
2. ¿Achike ruma ri Jesús ja riʼ ri más ütz qʼatöy tzij?
Ri Rukʼajol ri Dios ja riʼ ri más ütz qʼatöy tzij ruma janila ütz runaʼoj chuqaʼ pa ruchojmil nubʼän chi re ronojel (Mateo 11:28-30). Chuqaʼ kʼo ruchuqʼaʼ richin yerutoʼ ri winaqiʼ. Ja uchuqʼaʼ riʼ ri xtukusaj toq xtqʼaton pe tzij pa ruwiʼ ri Ruwachʼulew. Toq rijaʼ xkʼasöx xbʼe chi kaj, chi riʼ xkʼojeʼ chi ruxkïn ri Dios kʼa toq xyaʼöx na ri qʼatbʼäl tzij pa ruqʼaʼ (Hebreos 10:12, 13). Wakami, ri Dios xuyaʼ yan ri qʼatbʼäl tzij pa ruqʼaʼ. Tasikʼij Daniel 7:13, 14.
3. ¿Ruyon ri Jesús xtqʼaton tzij?
Ri Biblia nubʼij chi kʼo jun molaj rusamajelaʼ ri Dios xkeqʼaton tzij rikʼin ri Jesús. Chupam ri Daniel 7:27 «rutinamit ri nimaläj Dios [o loqʼoläj, TNM]» nbʼïx chi ke. Ri nabʼey xeruchaʼ ri Dios richin xeʼok loqʼoläj ja ri apóstoles. Ri Jehová kʼa najin na yeruchaʼ achiʼaʼ chuqaʼ ixoqiʼ richin yeʼok loqʼoläj. Konojel rijeʼ janila kikuqubʼabʼäl kʼuʼx rikʼin ri Jehová. Achiʼel ri Jesús, ri winaqiʼ riʼ yebʼe chi kaj toq yekäm chuqaʼ nyaʼöx chi ke jun chʼakul achiʼel espíritu. Tasikʼij Juan 14:1-3; 1 Corintios 15:42-44.
¿Jampeʼ winaqiʼ yebʼe chi kaj? Ri Biblia nubʼij chi xa ajlan kiwäch. Ri Jesús «chʼutiʼ tzobʼaj karneʼl» xubʼij chi ke (Lucas 12:32, Ri Cʼacʼaʼ Retal Tzij). Chi konojel e 144.000. Tasikʼij Apocalipsis 14:1.
4. ¿Achike xbʼanatäj toq xyaʼöx ri qʼatbʼäl tzij pa ruqʼaʼ ri Jesús?
Ri Jesús pa 1914 * xyaʼöx ri qʼatbʼäl tzij pa ruqʼaʼ. Ri nabʼey samaj xubʼän ja ri xrelesaj pe ri Satanás chi kaj chuqaʼ ri itzel taq ángeles, ke riʼ xerutorij pe chi Ruwachʼulew. Yakatajnäq royowal ri Satanás, xuyaʼ kʼayewal chuwäch ronojel ri Ruwachʼulew (Apocalipsis 12:7-10, 12). Xa xe kʼa riʼ kʼiyirnäq pe ri kʼayewal pa kiwiʼ ri winaqiʼ. Ri nimaʼq taq oyowal, ri kabʼraqän, ri yabʼil chuqaʼ ri wayijal yebʼanatäj wakami, retal chi ri ru-Reino ri Dios xtqʼaton yan pe tzij pa ruwiʼ ri Ruwachʼulew, achiʼel rubʼin pe ri Biblia. Tasikʼij Lucas 21:7, 10, 11, 31.
5. ¿Achike nubʼän ri Reino wakami chuqaʼ achike xtubʼän ri chi qawäch apo?
Ruma ri rutzijoxik ri Biblia ronojel Ruwachʼulew, ri ru-Reino ri Dios najin yerumöl «man e ajlatäl ta» winaqiʼ ronojel tinamït. Pa millón ri achiʼaʼ chuqaʼ ixoqiʼ ri choj kanima najin yeʼok rutzeqelibʼey ri Jesús. Konojel ri winaqiʼ riʼ xkekolotäj toq ri ru-Reino ri Dios xtukʼïs ruwäch ri itzelal. Ruma kʼa riʼ we nqajoʼ nqïl ri urtusanïk xtukʼäm pe ri Reino kʼo chi nqanimaj rutzij ri Jesús. Tasikʼij Apocalipsis 7:9, 14, 16, 17.
Chupam mil junaʼ, ri Reino xtubʼän chi xtbʼanatäj ri rurayibʼal ri Dios pa kiwiʼ ri winaqiʼ. Ri Ruwachʼulew jun tikʼasäs ulew xtubʼän. Toq xtbʼekʼis ri mil junaʼ, ri Jesús xtutzolij chik apo ri Reino pa ruqʼaʼ ri Rutataʼ (1 Corintios 15:24-26). ¿Narayibʼej rat natzijoj ri Reino chi re jun chik winäq? Tasikʼij Salmo 37:10, 11, 29.
^ párr. 6 Richin nawetamaj más chi rij ri rubʼin pe ri Biblia chi rij ri junaʼ 1914, tasikʼij ri ruxaq 215 kʼa 218 chi re ri wuj ¿Achike qas nukʼüt ri Biblia?
