TANAJ 08
Rat yatikïr yatok rachibʼil ri Jehová
Ri Jehová nrajoʼ chi rat nawetamaj más ruwäch. ¿Achike ruma? Ruma ri Dios retaman chi toq más xtawajoʼ xtawetamaj chi rij rijaʼ, achiʼel ri runaʼoj, ri rubʼanik nubʼän ronojel chuqaʼ ri rurayibʼal, más xtawajoʼ xkatok rachibʼil. Ja kʼa, ¿la yojtikïr yojok rachibʼil ri Dios? (Tasikʼij Salmo 25:14). ¿Achike kʼo chi nabʼän rat richin yatok rachibʼil? Ri Biblia nuqʼalajrisaj ri kʼutunïk riʼ chuqaʼ nubʼij achike ruma ri awachibʼilanïk rikʼin ri Jehová ja riʼ ri kʼo más rejqalem pa akʼaslem.
1. ¿Achike nubʼij ri Jehová chawe?
«Kixjel apo rikʼin ri Dios y rijaʼ chuqaʼ xtjel pe iwikʼin» (Santiago 4:8). ¿Achike yeʼel chi tzij re tzij reʼ? Chi ri Jehová nrajoʼ chi rat yatok rachibʼil. E kʼo jujun kan kʼayew nubʼän chi kiwäch nkichʼöbʼ chi yetikïr yeʼok rachibʼil jun winäq ri majun nkitzʼët ta, kʼa ta la yeʼok rachibʼil ri Dios. Ja kʼa rijaʼ ruyaʼon kan chupam ri Ruchʼabʼäl, ri Biblia, ronojel ri nkʼatzin nqetamaj chi rij ri runaʼoj richin yojtikïr yojjel apo rikʼin. Toq nqasikʼij chupam ri Biblia ri nrajoʼ ri Dios nubʼij chi qe, ri qachibʼilanïk rikʼin rijaʼ más nkowïr stapeʼ man yojtikïr ta nqatzʼët rijaʼ.
2. ¿Achike ruma ri Jehová ri más ütz nok awachibʼil?
Ri Jehová janila yarajoʼ. Rijaʼ nrajoʼ chi rat yakikot chuqaʼ chi nakanoj rutoʼik toq nkʼatzin chawe. Rat yatikïr nayaʼ pa ruqʼaʼ ri Dios ronojel ri aqʼaxomal ruma rijaʼ kan yaruchajij wi (1 Pedro 5:7). Ri Jehová jantapeʼ nrajoʼ yojrutoʼ, nukuqubʼaʼ qakʼuʼx chuqaʼ nuyaʼ ruxkïn chi qe (tasikʼij Salmo 94:18, 19).
3. ¿Achike nrajoʼ ri Jehová chi nkibʼän ri rachibʼil?
Ri Jehová yerajoʼ konojel ri winäq, ja kʼa más yerajoʼ ri choj kikʼaslem (Proverbios 3:32). Ri Jehová nurayibʼej chi ri rachibʼil nkibʼän ta ri nqa chuwäch y man ja ta ri man nqa ta chuwäch. Rikʼin bʼaʼ e kʼo nkibʼij chi majubʼey xketikïr ta xtkibʼän ri nrajoʼ ri Jehová. Ja kʼa rijaʼ kan nïm ranima y man yerumalij ta kan ri qitzij nkajoʼ rijaʼ chuqaʼ nkitïj kiqʼij richin yeʼok rachibʼil (Salmo 147:11; Hechos 10:34, 35).
TQANIKʼOJ RIJ
Tqetamaj más chi rij ri rubʼanik yojtikïr yojok rachibʼil ri Jehová chuqaʼ achike ruma rijaʼ ri más ütz ri nok qachibʼil.
4. Ri Abrahán xok rachibʼil ri Jehová
Ri nubʼij ri Biblia chi rij ri Abrahán (ri nbʼïx chi re Abrán chuqaʼ) nukʼüt chi qawäch achike najowatäj richin yojok rachibʼil ri Dios. Tisikʼij chi rij ri Abrahán chupam ri Génesis 12:1-4 chuqaʼ kixchʼon chi rij reʼ:
-
¿Achike xukʼutuj ri Jehová chi re ri Abrahán?
-
¿Achike xusüj ri Jehová chi re?
-
¿Achike xubʼän ri Abrahán toq ri Jehová xubʼij achike kʼo chi nubʼän?
5. Ri nukʼutuj ri Jehová chi ke ri e rachibʼil
Kʼïy mul qoyobʼen chi ri qachibʼil kʼo nkibʼän quma röj.
-
¿Achike nawajoʼ rat chi ri awachibʼil nkibʼän awuma rat?
Tisikʼij 1 Juan 5:3 chuqaʼ kixchʼon chi rij reʼ:
-
¿Achike nroyobʼej ri Jehová chi nkibʼän ri rachibʼil?
We nqajoʼ nqanimaj rutzij ri Jehová, rikʼin bʼaʼ kʼo chi nqajäl ri qanaʼoj o ri qabʼanobʼal. Tisikʼij Isaías 48:17, 18 chuqaʼ kixchʼon chi rij reʼ:
-
¿Achike ruma ri Jehová nukʼutuj chi ke ri e rachibʼil chi kʼo chi nkijäl kinaʼoj?
6. Ri rubʼanik ri Jehová yerutoʼ ri e rachibʼil
Ri Jehová yerutoʼ ri e rachibʼil richin yeqʼax chuwäch ri kʼayewal yekïl pa kikʼaslem. Titzʼetaʼ ri VIDEO chuqaʼ kixchʼon chi rij reʼ:
-
¿Achike rubʼanik xutoʼ ri Jehová ri ixöq xel chupam ri video richin man npe ta chik pa ranima ri itzel taq chʼobʼonïk?
Tisikʼij Isaías 41:10, 13 chuqaʼ kixchʼon chi rij reʼ:
-
¿Achike rusujun ri Jehová chi xtubʼän pa kiwiʼ ri e rachibʼil?
-
¿Nabʼij rat chi ri Jehová ntikïr nok jun utziläj achibʼil? ¿Achike ruma?
7. Richin yojok rachibʼil ri Jehová, kʼo chi yojchʼon rikʼin
Más ütz nqakʼwaj qiʼ kikʼin ri qachibʼil toq yojchʼon kikʼin. Tisikʼij Salmo 86:6, 11 chuqaʼ kixchʼon chi rij reʼ:
-
¿Achike rubʼanik yojtikïr yojchʼon rikʼin ri Jehová?
-
¿Achike rubʼanik nchʼon ri Jehová qikʼin?
E KʼO JUJUN NKIBʼIJ REʼ: «Majun yojtikïr ta yojok rachibʼil ri Dios».
-
¿Achike texto xtakusaj richin nakʼüt chi röj yojtikïr yojok rachibʼil ri Jehová?
TQAKAMULUJ
Ri Jehová nrajoʼ nok awachibʼil, rijaʼ xkarutoʼ richin xkatikïr xkajel apo rikʼin.
Ri xawetamaj
-
¿Achike rubʼanik yerutoʼ ri Jehová ri e rachibʼil?
-
¿Achike ruma ri Jehová nukʼutuj chi ke ri e rachibʼil chi tkijalaʼ ri kinaʼoj?
-
¿Nabʼij rat chi ri Jehová kʼïy nukʼutuj chi ke ri e rachibʼil? ¿Achike ruma ke riʼ nachʼöbʼ?
RICHIN NAWETAMAJ MÁS
¿Achike nukʼäm pe chawe ri yatok rachibʼil ri Dios?
«Ri Jehová, ri Dios ri ütz nawetamaj ruwäch» (La Atalaya, 15 de febrero de 2003)
Tasamajij ri awachibʼilanïk rikʼin ri Dios.
Tawetamaj achike ruma jun ixöq xubʼij chi ri rachibʼilanïk rikʼin ri Jehová xuköl chuwäch ri kamïk.
Tawakʼaxaj ri nkibʼij ri xtaniʼ alabʼoniʼ chi rij ri Jehová.