Ri nqatijoj qiʼ chi rij ri Biblia kʼïy utzil nukʼäm pe chi qe. Ja kʼa, kʼo bʼey kʼayew nubʼän chi qawäch. Rikʼin bʼaʼ man awetaman ta we kʼa xkatikïr xtatijoj awiʼ chi rij ri Biblia. ¿Achike utzil nukʼäm pe chawe ri man nayaʼ ta kan ri atijonïk? ¿Achike xkarutoʼ richin man namalij ta kan ri atijonïk stapeʼ e kʼo kʼayewal?

1. ¿Achike ruma kʼo rejqalem ri natijoj awiʼ chi rij ri Biblia?

«Ri ruchʼabʼäl ri Dios kan kʼo wi rukʼaslem y kʼo samaj nubʼän» (Hebreos 4:12). Ri Biblia jun wuj ri kʼo janila rejqalem ruma nubʼij ri nuchʼöbʼ ri Dios chuqaʼ ri rubʼanik yarutzʼët. Man xa xe ta xkarutoʼ richin nkʼiyïr ri awetamabʼal, chuqaʼ xkarutoʼ richin ütz xtachaʼ ri achike xtabʼän pa akʼaslem chuqaʼ richin nakuqubʼaʼ akʼuʼx rikʼin ri petenäq chi qawäch apo. Chuqaʼ ri Biblia xkarutoʼ rikʼin ri kʼo más rejqalem, ja ri yatok rachibʼil ri Jehová. Jujun mul ri rat natijoj awiʼ chi rij, nayaʼ qʼij chi ja ri ruchuqʼaʼ nsamäj pa akʼaslem.

2. ¿Achike ruma kʼo janila rejqalem ri man naqasaj ta ruqʼij ri naʼoj e kʼo chupam ri Biblia?

Ri naʼoj e kʼo chupam ri Biblia e achiʼel bʼeyomäl ri kʼo janila kejqalem. Ruma riʼ ri Biblia nubʼij chi: «Kan tatijaʼ kʼa aqʼij richin yeʼawïl ri kʼo kejqalem, y man keʼawisqʼopej el ri qitzij» (Proverbios 23:23). We qayaʼon pa qanima ri naʼoj e kʼo chupam ri Biblia, xtqaxikʼ qiʼ richin man nqayaʼ ta kan ri qatijonïk stapeʼ yepe kʼayewal (tasikʼij Proverbios 2:4, 5).

3. ¿Achike xtuyaʼ ri Jehová chawe richin man nayaʼ ta kan ri atijonïk?

Ruma ri Jehová ja riʼ ri awachibʼil chuqaʼ ri xbʼanon ronojel, jebʼël retaman awäch chuqaʼ nrajoʼ chi rat nawetamaj más chi rij rijaʼ. Ri Biblia nub’ij chi «ri Dios ja riʼ ri nsamäj pa taq iwanima y nuyaʼ ri rayibʼäl chiwe chi nibʼän ri nqa chuwäch rijaʼ» (tasikʼij Filipenses 2:13). Ruma riʼ, we kʼo mul rat nanaʼ chi nkʼatzin chi nkuqubʼäx más akʼuʼx richin natijoj awiʼ o richin nasamajij pa akʼaslem ri najin nawetamaj, rijaʼ xkarutoʼ. We nkʼatzin chi nyaʼöx más awuchuqʼaʼ richin yaqʼax chuwäch jun kʼayewal o ruma man nyaʼöx ta qʼij richin natijoj awiʼ chi rij Biblia, rijaʼ xtuyaʼ awuchuqʼaʼ. Jantapeʼ takʼutuj chi re ri Jehová chi karutoʼ richin man nayaʼ ta kan atijonïk chi rij ri Biblia (1 Tesalonicenses 5:17).

 TQANIKʼOJ RIJ

4. Tayaʼ pa awanima chi ri atijonïk chi rij ri Biblia kʼo janila rejqalem chawäch

Kʼo mul kʼo janila nqabʼän ri nubʼän chi qe chi man jamäl ta qawäch richin nqatijoj qiʼ chi rij ri Biblia. ¿Achike yojtikïr nqabʼän? Tisikʼij Filipenses 1:10 chuqaʼ kixchʼon chi rij reʼ:

• ¿Achike «ri kan kʼo más kejqalem» chawäch rat?

• ¿Achike ütz nabʼän richin pa nabʼey nayaʼ ri atijonïk chi rij ri Biblia?

1. We nabʼey nayaʼ sanayiʼ chupam jun kʼojlibʼäl y chi rij riʼ nayaʼ kʼïy abʼäj pa ruwiʼ, ri abʼäj riʼ man xkeʼok ta chupam ri kʼojlibʼäl.

2. Ja kʼa, we nabʼey nayaʼ qa ri abʼäj, jubʼama ronojel ri sanayiʼ xtok qa chupam ri kʼojlibʼäl. Ke riʼ chuqaʼ xtbʼanatäj awikʼin rat, we xtayaʼ pa nabʼey ri kʼo más kejqalem, man xa xe ta xkatikïr xtabʼän riʼ chuqaʼ xtkʼojeʼ bʼa aramaj richin xtabʼän xa bʼa achike chik na jun ri nawajoʼ.

Ri tijonïk chi rij ri Biblia nubʼän chi qe chi nqajoʼ nqetamaj ruwäch ri Dios chuqaʼ nqayaʼ ruqʼij. Tisikʼij Mateo 5:3 chuqaʼ kixchʼon chi rij reʼ:

• We nqayaʼ pa nabʼey ri qatijonïk chi rij ri Biblia, ¿achike utzil xtukʼäm pe chi qe?

 5. Man tayaʼ ta kan atijonïk stapeʼ e kʼo nkajoʼ chi nayaʼ kan

6. Takuqubʼaʼ akʼuʼx chi ri Jehová xkarutoʼ

 TQAKAMULUJ

Stapeʼ kʼayew bʼa ri natijoj awiʼ chi rij ri Biblia, reʼ xkarutoʼ richin xkakikot pa akʼaslem richin jantapeʼ. We xtakuqubʼaʼ akʼuʼx rikʼin ri Jehová, rijaʼ xtuyaʼ rajïl rukʼexel chawe.

Ri xawetamaj

• ¿Achike ruma nayaʼ kejqalem ri naʼoj yerukʼüt ri Biblia?

• Toq awetaman yan achike ri kʼo más kejqalem, ¿achike kʼo chi nabʼän?

• ¿Achike ruma ütz nakʼutuj atoʼik chi re ri Jehová richin man nayaʼ ta kan atijonïk chi rij ri Biblia?