¿Achike rubʼanik nqakusaj re wuj reʼ richin nukʼäm pe utzil pa qawiʼ?
Nabʼey, tasikʼij re peraj reʼ. Chi rij riʼ tatzʼetaʼ ri VIDEO.
NABʼEY PERAJ
Toq xtatijoj awiʼ, tasikʼij ri nabʼey peraj chi re ri jujun taq tanaj. E kʼo kʼutunïk e ajlan (A) chuqaʼ textos e bʼanon kan rikʼin qʼëq (B) ri nkikʼüt ri naʼoj ri kʼo más kejqalem. Tatzʼetaʼ chi e kʼo jujun textos akuchi nubʼij «Tasikʼij».
RUKAʼN PERAJ
Ri nabʼey párrafo chi re ri peraj «Tqanikʼoj rij» nuqʼalajrisaj ri kʼo pe chuxeʼ qa (C). Ri ruqʼaʼ ri tanaj ri e ajlan nkibʼij achike ri naʼoj ri kʼo más kejqalem (D). Rikʼin ri nyaʼon atijonïk, keʼasikʼij ri textos, keʼaqʼalajrisaj ri kʼutunïk chuqaʼ keʼatzʼetaʼ ri videos.
VIDEOS. Chupam re peraj reʼ, xtawïl videos chuqaʼ audios ri kikʼwan kiʼ rikʼin ri naʼoj najin nqetamaj. E kʼo videos ri yechʼon chi kij kikʼaslem jujun winaqiʼ. Chʼaqa chik e bʼanon dramatizar richin nkikʼüt chi qawäch ri yebʼanatäj pa qakʼaslem.
Tatzʼetaʼ ri wachibʼäl chuqaʼ ri naʼoj kʼo rikʼin (E), chuqaʼ tachʼobʼoʼ achike rubʼanik xtaqʼalajrisaj ri peraj «E kʼo jujun nkibʼij reʼ» (F).
ROX PERAJ
Ronojel ri tanaj yekʼis rikʼin ri peraj «Tqakamuluj» chuqaʼ «Ri xawetamaj» (G). Tatzʼibʼaj achike qʼij xakʼis ri tanaj. Chupam ri peraj «Tasamajij reʼ» xtyaʼöx chawe chʼaqa chik naʼoj richin xtasamajij ri xtawetamaj chupam ri atijonïk (H). Chupam ri peraj «Richin nawetamaj más» xtawïl chʼaqa chik tzijonem chuqaʼ videos ri xkatkitoʼ (I).
Rubʼanik nakanoj jun texto chupam ri Biblia
Ri Biblia e kʼo 66 libros chupam chuqaʼ jachon pa kaʼiʼ peraj: ri Escrituras Hebreoarameas chuqaʼ ri Escrituras Griegas Cristianas. E kʼo winaqiʼ nkibʼij chi ke ri Antiguo Testamento chuqaʼ ri Nuevo Testamento.
Chupam ri textos yaʼon kan, nabʼey kʼo ri rubʼiʼ ri wuj (A), chi rij riʼ nubʼij ri capítulo (B), pa rukʼisibʼäl nubʼij ri versículo o ri versículos (C).
Jun tzʼetbʼäl, Juan 17:3 nel chi tzij «ri wuj richin Juan, capítulo 17, versículo 3».
