Taq nqaskʼij ruwäch le Biblia, nqkowin nqakanuj más naʼoj chrij ri najin nqaskʼij rchë nqʼax más pa qajolon. Ye kʼa ma nqajoʼ ta nqaʼän riʼ xa xuʼ rchë njeʼ qatamabʼal. Röj nqajoʼ nqatamaj más chkij ri jaʼäl taq naʼoj ye kʼo rkʼë Jehová rma ya riʼ xtbʼanö chë más xtqajoʼ. Rchë nqaʼän riʼ, tqakʼutuj qa reʼ chqawäch: «¿Achkë nukʼüt re peraj reʼ chi nwäch chrij Jehová?».

Jun tzʼetbʼäl, ütz nakanuj más naʼoj chrij ri kajiʼ naʼoj ri más yeqʼalajin chrij Jehová, achiʼel chë ryä kowan najowan, kan kʼo runaʼoj, kan pa rubʼeyal nuʼän che rä jontir chqä kʼo ruchqʼaʼ. Ye kʼa Jehová ye kʼo más jaʼäl taq naʼoj rkʼë. ¿Akuchï nawïl wä más naʼoj chrij riʼ?

Xtawïl jun lista chrij ri más 50 naʼoj ri ye kʼo rkʼë Jehová chpan ri Índice de las publicaciones Watch Tower. Katok chpan ri peraj «Jehová» y chrij riʼ chpan ri peraj «Cualidades por nombre». Tatzʼetaʼ achkë chkë ri naʼoj riʼ rukʼwan riʼ rkʼë ri najin naskʼij, y chrij riʼ taskʼij jontir ri kʼo chpan ri peraj riʼ (we xa xuʼ yakowin yatok chpan ri Guía de estudio para los testigos de Jehová, katok chpan ri peraj «Jehová» y chrij riʼ chpan ri peraj «Cualidades de Jehová»).