Ri ütz nqaʼän rchë kʼo naʼoj nqatamaj qa taq nqaskʼij ruwäch qaBiblia, ya riʼ nqakanuj más naʼoj chrij ri najin nqaskʼij. Ye kʼa ¿achkë ütz nqaʼän rchë kan kʼo xtqatamaj qa taq xtqaʼän riʼ?

Tqaquʼ achkë más naʼoj nukʼüt qa chqawäch ri najin nqaskʼij. Ri ütz nqaʼän ya riʼ nqaquʼ kij re kʼutunïk reʼ: ¿Achkë xtzʼibʼan ri najin nqaskʼij, ajän xtzʼibʼaj y achoq che rä xtzʼibʼaj wä? ¿Achkë wä najin nbʼanatäj o najin nuqʼaxaj ryä taq xtzʼibʼaj reʼ? ¿Achkë xbʼanatäj ojer y achkë xbʼanatäj taq ryä xtzʼibʼaj yän ya riʼ?

Tqaquʼ kij ri naʼoj ri yeqatamaj qa. Rchë nqaʼän riʼ, ütz yeqaqʼalajsaj re kʼutunïk reʼ: «¿Achkë xkinaʼ ri winäq ri yetzjöx chpan re peraj reʼ? ¿Achkë ütz taq naʼoj xjeʼ kikʼë y achkë rma ütz nkʼän nnaʼoj chkij? ¿Achkë ma ütz ta naʼoj xjeʼ kikʼë y achkë rma ma ütz ta yejeʼ chqä ri naʼoj riʼ wkʼë rïn?».

Tqasmajij ri nqatamaj qa. Jun ri akuchï ütz nqasmajij ri nqatamaj qa, ya riʼ taq nq·el chutzjoxik le Biblia o taq nqtzjon kikʼë nkʼaj chik. Ke riʼ xtqakʼüt chë najin nqasmajij ri nuʼij Salmo 107:43: «Ri winäq ri kan kʼo runaʼoj xtquʼ rij ronojel reʼ».

• Ri ütz naʼän: Ri peraj «Ri bʼeyomäl yeqïl chpan le Biblia», ri nqatzʼët chpan ri qamoloj chukojöl qʼij, bʼanon pä rchë nqatamaj qa jojun naʼoj ri ütz nqasmajij pa qakʼaslemal. Tatzʼetaʼ achkë rubʼanik bʼanon pä che rä y ke riʼ chqä tabʼanaʼ rït. Ronojel semanas, re peraj reʼ ye kʼo kʼutunïk, naʼoj chqä achbʼäl chpan ri ütz nqaquʼ kij.