¿Yenatäj reʼ chawä?
¿Ütz ütz askʼin kiwäch ri wuj Ri Nyaʼon Rutzijol ri yeʼelenäq pä pa jun kayoxiʼ ikʼ qa? Tatzʼetaʼ we yakowin yeʼaqʼalajsaj re kʼutunïk reʼ:
¿Achkë rubʼanik xerutoʼ Jesús ri rutzeqelbʼëy rchë xekajoʼ jontir kiwäch winäq?
Pa ruqʼij qa Jesús, ye kʼïy judíos ma yekajoʼ ta wä ri nikʼaj chik winäq xa rma ma junan ta kijatzul, ki-religión o rubʼanik kikʼaslemal. Jesús xuʼij chë janina ruqʼij nqaqasaj qiʼ chqä kan itzel xutzʼët ri nanaʼ awiʼ rma ajatzul. Ryä xuʼij chkë rutzeqelbʼëy chë kʼo chë nkitzʼët kiʼ achiʼel ta kichʼalal kiʼ (w18.06, ruxaq 9 chqä 10).
¿Achkë rma Dios ma xuyaʼ ta qʼij che rä Moisés rchë xok chwäch ri ulew xtzuj chkë ri israelitas, chqä achkë nqatamaj qa chrij?
Moisés kan junan wä ruwäch rkʼë Jehová (Deuteronomio 34:10). Taq kikʼwan wä jun 40 junaʼ pa tzʼiran ulew chqä ya yeʼok apü chwäch ri ulew tzujun qa chkë, ri israelitas xechʼojin chik jmul rma majun ta yaʼ xkïl. Dios xuʼij che rä Moisés chë tchʼö rkʼë ri abʼäj rchë ntel pä yaʼ chwäch. Ye kʼa Moisés, pa rukʼexel xuʼän riʼ, xa xukajij ri abʼäj. Rkʼë jubʼaʼ Jehová xpë ryowal che rä Moisés rma ma xnmaj ta rutzij o rma ma xuyaʼ ta ruqʼij taq xbʼanatäj ri milagro riʼ (Números 20:6-12). Reʼ nukʼüt chqawäch chë janina rejqalen nqanmaj rutzij Jehová chqä nqayaʼ ruqʼij (w18.07, ruxaq 13 chqä 14).
We xa kibʼanik ri winäq nqatzuʼ, ¿achkë rkʼë jubʼaʼ ma ütz ta xtqaʼän?
Kʼo oxiʼ ri yebʼanö chqë chë kʼïy mul xa kibʼanik ri winäq nqatzʼët: ri kijatzul o kitinamit, ri achkë kʼo kikʼë chqä ri kijunaʼ. Janina ruqʼij chë yeqatzʼët ri winäq achiʼel yerutzʼët Jehová, ri ma yë ta kibʼanik nutzʼët (Hechos 10:34, 35) (w18.08, ruxaq 8 kʼa 12).
¿Achkë rubʼanik ütz yetoʼon chkipan ri congregaciones ri qachʼalal kʼo chik kijunaʼ?
Ri qachʼalal ri kʼo chë xkiyaʼ qa jojun kisamaj pa rutinamit Jehová rma ya kʼo chik kijunaʼ, ütz nkiyaʼ chwäch kan chë Jehová janina yeruloqʼoqʼej chqä chë kʼa yekowin na yekitoʼ ri nikʼaj chik. Ütz yekitoʼ kichjil ri qachʼalal pa congregación ri ma ye Testigos ta, ütz yekitoʼ ri qachʼalal ri ma yeʼapon ta chik pa moloj chqä ma yeʼel ta chik chutzjoxik le Biblia y ütz nkiyaʼ más kan chrij rutzjoxik le Biblia (w18.09, ruxaq 8 kʼa 11).
¿Achkë toʼïk ye kʼo chpan ri «samajbʼäl rchë nyaʼöx tjonïk»?
Jojun chkë ri samajbʼäl yaʼon pä chqë ya riʼ ri tarjetas ri yarutäq pa jw.org, waqxaqiʼ utziläj taq tratados chqä ri wuj La Atalaya y ¡Despertad! Chqä yaʼon pä jojun folletos, kaʼiʼ libros rchë yeqayaʼ tjonïk chrij le Biblia chqä kajiʼ videos. Jun chkë riʼ ya riʼ: ¿Achike ruma nqatijoj qiʼ chi rij ri Loqʼoläj Wuj? (w18.10, ruxaq 16).
Achiʼel nuʼij Proverbios 23:23, ¿achkë kʼo chë nuʼän jun winäq rchë nulöqʼ ri kantzij?
Ma nkʼatzin ta nqayaʼ pwäq rchë nqalöqʼ ri kantzij. Ye kʼa nkʼatzin nqatäj qaqʼij chqä nqesaj qa-tiempo rchë nqïl (w18.11, ruxaq 4).
¿Achkë nqatamaj chrij ri xuʼän Oseas rkʼë ri rixjayil?
Ya Gómer, ri rixjayil Oseas, kʼïy mul xkanuj rukʼexel rachjil. Ye kʼa Oseas xküy chqä ma xchüp ta ruwäch ri rukʼulanen. We jun cristiano nuʼän jun bʼanobʼäl ri kan tzʼil chwäch Dios, pa ruqʼaʼ rukʼulaj kʼo wä we nuküy o manä. Ye kʼa we nukʼwaj qa chik riʼ rkʼë rukʼulaj, le Biblia ma xtuyaʼ ta chik qʼij che rä rchë nuchüp ruwäch ri rukʼulanen (w18.12, ruxaq 13).