We ntamatäj chë kan yë ryeʼ xechʼobʼö xekanaj qa kiyonïl pa jun jay chaqʼaʼ, ri ukʼwäy taq bʼey xtkiqʼät tzij pa kiwiʼ rma nqʼalajin chë ri winäq riʼ kan xkikanuj kiʼ rchë xemakun (1 Corintios 6:18).

vYe kʼa ri ukʼwäy taq bʼey kʼo chë ütz ütz nkitzʼët we kʼo chë nqʼat tzij pa kiwiʼ ri winäq riʼ. Ryeʼ ütz nkiʼän kʼutunïk achiʼel reʼ: ¿Kikʼutun pä chik ri winäq riʼ chë achiʼel ta nkajoʼ kiʼ? ¿Kʼo jumul yepixabʼan rma ri rubʼanik kinaʼoj nkiʼän chkiwäch? ¿Achkë rma kiyonïl xekanaj qa chpan jun jay? ¿Xkiyaʼ chkiwäch xkiʼän riʼ o xa rma kʼo jun xbʼanatäj ri xuʼän chë kʼo chë xekanaj pa jun jay kiyonïl? (Eclesiastés 9:11). ¿Junan xewär qa? Ye kʼa, rkʼë jubʼaʼ kʼa kʼo na más ri nkʼatzin nkinukʼuj ri ukʼwäy taq bʼey rchë nkitamaj achkë qäs xbʼanatäj.

Taq ri ukʼwäy taq bʼey kitaman chik achkë qäs xbʼanatäj, kʼa riʼ xtkitzʼët we nkʼatzin nqʼat tzij pa kiwiʼ ri winäq riʼ o manä.