RI CHAJINEL (RCHË TJONÏK) Junio de 2020
Chpan re revista reʼ xkeʼawïl ri tjonïk xkebʼan chpan ri semanas 3 kʼa 30 de agosto, 2020.
«Xtchʼajchʼobʼëx ta kʼa abʼiʼ»
Tjonïk 23: rchë 3 kʼa 9 de agosto, 2020. ¿Achkë nimaläj kʼayewal kʼo chqawäch röj winäq chqä chkiwäch ri ángeles? ¿Achkë rma kan janina ruqʼij, y achkë rubʼanik nqtoʼon röj rchë nsolotäj ri kʼayewal riʼ? Ri kiqʼalajsaxik re kʼutunïk reʼ chqä nkʼaj chik kʼutunïk, xtkikowirsaj ri qachbʼilanïk rkʼë Jehová.
«Tabʼanaʼ chë ma nuʼän ta kaʼiʼ wan, rchë ma xtinqasaj ta ruqʼij ri abʼiʼ»
Tjonïk 24: rchë 10 kʼa 16 de agosto, 2020. Chpan re tjonïk reʼ xtqanukʼuj rij ri tzij xeruʼij David che rä Jehová chpan ri Salmo 86:11 chqä 12. ¿Achkë ntel chë tzij ma naqasaj ta ruqʼij ri rubʼiʼ Jehová? ¿Achkë rma kʼo chë nqayaʼ kowan rejqalen ri nimaläj bʼiʼaj riʼ? ¿Y achkë rubʼanik nqrchajij riʼ chkiwäch ronojel ri ma ütz ta nkikʼüt pä kiʼ chqawäch?
Kikʼutunik ri yeskʼin ruwäch qawuj
¿Xa xuʼ komä ri naʼoj ri ye kʼo chpan Gálatas 5:22 chqä 23 yewachin rkʼë ri loqʼoläj ruchqʼaʼ Dios?
«Kan yïn xkikanun kichë ri nkarneʼl»
Tjonïk 25: rchë 17 kʼa 23 de agosto, 2020. ¿Achkë rma ye kʼo jojun qachʼalal nkiyaʼ qa ri congregación tapeʼ kan pa junaʼ kiyaʼon pä ruqʼij Jehová? ¿Achkë nunaʼ Dios chkij ri winäq riʼ? Chpan re tjonïk reʼ xtqïl kiqʼalajsaxik re kʼutunïk reʼ. Chqä xtqatzʼët achkë xuʼän Jehová rchë xerutoʼ jojun rusamajelaʼ ojer ri ma xkiʼän ta chik ri ruraybʼal jun tiempo, chqä xtqatzʼët achkë xtqatamaj qa chrij riʼ.
«Kixtzolin pä wkʼë»
Tjonïk 26: rchë 24 kʼa 30 de agosto, 2020. Jehová nuʼij reʼ chkë ri qachʼalal ri ye kanajnäq qa: «Kixtzolin pä wkʼë». Chpan re tjonïk reʼ xtqatzʼët achkë rubʼanik yeqatoʼ ri qachʼalal ri nkajoʼ yetzolin pä.
