Jun encuesta ri xbʼan chkipan kʼïy tinamït xkʼüt chë 1 chkë 4 winäq nunaʼ chë xa ryonïl kʼo. a

•   «Xa bʼa achkë winäq ri xa bʼa jaruʼ rjnaʼ chqä xa bʼa achkë rtinamit rkʼë jbʼaʼ nuyonij qa riʼ» (Chido Mpemba, copresidenta de la Comisión de la Organización Mundial de la Salud sobre Conexión Social).

 Ye kʼa ma xa xuʼ ta ri riʼj taq winäq o ri nkiyonij qa kiʼ nkinaʼ chë xa kiyonïl ye kʼo, xa kan ke riʼ chqä nkinaʼ ri ye qʼopojiʼ kʼojolaʼ, ri majun ta kiyabʼil, ri ye kʼlan o ri ütz ye bʼenäq chpan kikʼaslemal. Taq jun winäq nuyonij qa riʼ o nunaʼ chë xa ryonïl kʼo ya riʼ rkʼë jbʼaʼ nuʼän chë npë ryabʼil o nunaʼ jun nimaläj bʼis pa ran.

•   «Ri nanaʼ chë xa ayonïl yït kʼo kan kʼïy kʼayewal nukʼäm pä pan awiʼ [...]. Ri nayonij qa awiʼ kan kowan yaturtzʼlaʼ, reʼ xa jnan rkʼë naskʼaj 15 sikʼ chpan jun qʼij» (Vivek Murthy, ri ukʼwayon bʼey chpan ri Salud Pública de Estados Unidos).

 Dios, ri xbʼanö qchë, ma nrajoʼ ta chë xa nqayonij qa qiʼ. Dios nrajoʼ chë yejeʼ ütz qawamigos ri achoq kikʼë kiʼ qakʼuʼx nqaʼän.

•   Ri nuʼij le Biblia: «Dios xuʼij: ‹Ma ütz ta chë ri achï njeʼ ryonïl›» (Génesis 2:18).

 Dios nrajoʼ chë nq·ok ramigos. Ryä nuʼij chë xtjelun pä qkʼë we röj nqatäj qaqʼij rchë nqjelun rkʼë (Santiago 4:8).

•   Ri nuʼij le Biblia: «Kiʼ kikʼuʼx ri winäq ri nkinaʼ chë nkʼatzin Dios pa kikʼaslemal, rma ri Qʼatbʼäl Tzij ri kʼo chkaj chkë ryeʼ xtyaʼöx wä» (Mateo 5:3).

 Dios nrajoʼ chë nqayaʼ rqʼij kikʼë nkʼaj chik winäq. Taq röj nqaʼän riʼ, más kiʼ qakʼuʼx nqaʼän.

•   Ri nuʼij le Biblia: «Qchʼpü chkij ri nkʼaj chik rchë nqatoʼ qiʼ rchë nqjowan chqä rchë yeqaʼän ütz taq bʼanobʼäl, y ma tqayaʼ ta qa nqamöl qiʼ [...]. Pa rkʼexel riʼ, tqakʼuqbʼalaʼ qakʼuʼx chqawäch, y más rma ri qʼij xa naqäj chik kʼo pä» (Hebreos 10:24, 25).

 We nawajoʼ natamaj más chrij ri achkë rma kan kowan nkʼatzin ma nayonij ta awiʼ, taskʼij rwäch ri artículo «Soledad en la era de la comunicación».