Pa 24 de mayo, 2022 kʼo jun xbʼanatäj chpan ri tinamït Uvalde (Texas, Estados Unidos). Ri periódico The New York Times xuʼij chë «jun achï ri rukʼwan ruqʼaqʼ xerukamsaj ye 19 akʼalaʼ chqä kaʼiʼ maestras chpan ri escuela ri rubʼiniʼan Robb».

 Itzelal achiʼel reʼ kan chaq taqïl najin yebʼanatäj. Ri periódico USA Today xuʼij chë, xa xuʼ Estados Unidos, «xebʼanatäj jun 249 balaceras pa taq escuelas ri jun junaʼ qa, más chwäch xa bʼa achkë chik jun junaʼ qʼaxnäq pä kan pa 1970».

 ¿Achkë rma yebʼanatäj re itzelal reʼ? ¿Achkë nqtoʼö chwäch ri bʼis nqanaʼ taq yebʼanatäj riʼ? ¿Kʼo komä jun rma nqanmaj chë kʼo jun qʼij xtkʼis ri itzelal? Le Biblia yeruqʼalajsaj ri kʼutunïk riʼ.

•    Le Biblia nuʼij chë röj yoj kʼo chkipan ri «rukʼisbʼäl taq qʼij» ri akuchï ri winäq «ma xtkikʼüt ta ajowabʼäl» chqä «ma xtjeʼ ta joyowanïk kikʼë»; ri winäq kan itzel kinaʼoj xtkiʼän chqä xtkiʼän kʼïy itzelal. Y ri winäq riʼ «xa más xkebʼä pa nüm» (2 Timoteo 3:1-5, 13). We nawajoʼ natamaj más chrij reʼ, taskʼij ri peraj «¿Nuʼij komä le Biblia achkë kinaʼoj xtkiʼän ri winäq pa qaqʼij komä?».

 Ye kʼïy winäq nkikʼutuj qa chkiwäch achkë rma Dios najin nuyaʼ qʼij chë yebʼanatäj kʼïy itzelal, achiʼel taq ri winäq nkikʼäq qʼaqʼ pa taq escuelas. Rchë natamaj achkë nuʼij le Biblia chrij riʼ, taskʼij ri peraj «¿Achkë rma ri winäq tapeʼ ütz kinaʼoj nkitäj poqän?».

•    «Ri xetzʼibʼäx qa ojer, xetzʼibʼäx qa rchë nqrtjoj; rchë ke riʼ [...] rma ri kʼuqbʼäl kʼuʼx nqïl chpan ri Ruchʼaʼäl Dios, kan kʼo utzil xtqayoʼej apü» (Romanos 15:4).

 Ri naʼoj ye kʼo chpan le Biblia xkatkitoʼ rkʼë jontir ri najin yebʼanatäj pa qaqʼij komä. We nawajoʼ natamaj más chrij riʼ, taskʼij ri revista ¡Despertad! ri rubʼiniʼan «¿Acabará algún día la violencia?».

 Kʼo mul, ri akʼalaʼ nkixiʼij kiʼ rma ri nkitzʼët o nkikʼoxaj pa taq noticias. We rït yït teʼej tataʼaj y nawajoʼ natamaj achkë rubʼanik yeʼatoʼ awalkʼwal rchë ma kan ta nkixiʼij kiʼ taq nkitzʼët ri noticias riʼ, taskʼij ri peraj «Ri nuʼän ri noticias chkë ri akʼalaʼ».

•    «Xkeruköl chwäch ri kʼayewal yaʼon pa kiwiʼ chqä chwäch ri itzelal» (Salmo 72:14).

•    «Ri ki-espadas xtkiʼän samajbʼäl che rä rchë nkichʼïk ri ilew, y ri ki-lanzas xtkiʼän hoces che rä. Ri winäq ma xtkiʼän ta chik chʼaʼoj chkiwäch nixta xtkitamaj chik xtkiʼän chʼaʼoj» (Miqueas 4:3).

 Dios xtuʼän ri majun ta jun winäq nkowin nbʼanö rchë. Ryä xtksaj ri Ruqʼatbʼäl Tzij —jun qʼatbʼäl tzij ri kʼo chlaʼ chkaj— rchë xtchup kiwäch ri armas chqä ri itzelal kʼo komä. We nawajoʼ natamaj más chrij ri samaj ri xtuʼän Ruqʼatbʼäl Tzij Dios, taskʼij ri peraj «Ri Ruqʼatbʼäl Tzij Dios xtuʼän chë ma xtjeʼ ta chik chʼaʼoj».