TQANATAJ RKAMIK JESÚS
Jesucristo xtchüp kiwäch ri itzel taq winäq
Jesús rtaman achkë riʼ natäj poqän pa kiqʼaʼ itzel taq winäq. ¿Achkë rma nqaʼij riʼ? Rma xtzʼuk tzij chrij, xchʼäy, ma pa rbʼeyal ta xqʼat tzij pa rwiʼ chqä kan itzel rbʼanik xkamsäx. Tapeʼ majun ta mak xuʼän, ma xkʼewaj ta xyaʼ «rkʼaslemal pa kamïk pa kikʼexel ye kʼïy winäq» (Mateo 20:28; Juan 15:13). Komä, ryä Qʼatöy Tzij chpan Rqʼatbʼäl Tzij Dios. Xa jbʼaʼ chik apü, ryä xtchüp kiwäch ri itzel taq winäq chqä xtuʼän chë kan pa rbʼeyal xtbʼan kikʼë jontir (Isaías 42:3).
Le Biblia nuʼij achkë xtuʼän le Rwachʼlew taq Jesús xtchüp kiwäch ri itzel taq winäq:
«Ri itzel taq winäq ma xkejeʼ ta chik; xkeʼakanuj akuchï xejeʼ wä, ye kʼa ma xkeʼawïl ta chik chriʼ. Ye kʼa ri ma qʼaqʼ ta kijolon xtyaʼöx qa le Rwachʼlew chkë y kan kiʼ kikʼuʼx xtkiʼän rma kan xtqʼax rwiʼ ri uxlanen xtkinaʼ» (Salmo 37:10, 11).
¿Achkë rbʼanik nqakʼüt chwäch Jesús chë nqatyoxij ri xuʼän chqä ri xtuʼän pa qawiʼ? Chpan Lucas 22:19, ryä xuʼij qa chë nkʼatzin nqanataj rkamik. Rma riʼ ronojel jnaʼ röj, ri testigos de Jehová, nqamöl qiʼ rchë nqaʼän riʼ. Re jnaʼ reʼ yë ri domingo 24 de marzo xtqanataj rkamik Jesús, rma riʼ nqajoʼ chë yatapon qkʼë.