TQANATAJ RKAMIK JESÚS
Jesucristo xtyaʼ ri nkʼatzin chkë ri winäq
Taq Jesús xjeʼ chwäch le Rwachʼlew, ryä xkʼüt chë kowan xerajoʼ ri winäq, más ri majun ta kʼo kikʼë chqä ri kitjon wä poqän (Mateo 9:36). Rma riʼ kan ma xkʼewaj ta xyaʼ rkʼaslemal pa qawiʼ (Mateo 20:28; Juan 15:13). Ryä kʼa kowan na nqrajoʼ, rma riʼ xa jbʼaʼ chik apü xtksaj ri uchqʼaʼ yaʼon pa rqʼaʼ rchë nuyaʼ chkë jontir winäq ri nkʼatzin chkë. Ryä xtkowin xtuʼän riʼ, rma ya Qʼatöy Tzij chik chpan Rqʼatbʼäl Tzij Dios.
Tatzʼetaʼ achkë nuʼij le Biblia chrij ri xtuʼän Jesús:
«Kan kertoʼ ri winäq ri ma kan ta achkë kʼo kikʼë; kerkoloʼ ri ralkʼwal ri winäq ri ma kan ta achkë kʼo rkʼë» (Salmo 72:4).
¿Achkë rbʼanik nqakʼüt chwäch Jesús chë nqatyoxij ri xuʼän chqä ri xtuʼän pa qawiʼ? Chpan Lucas 22:19, ryä xuʼij qa chë nkʼatzin nqanataj rkamik. Rma riʼ ronojel jnaʼ röj, ri testigos de Jehová, nqamöl qiʼ rchë nqaʼän riʼ. Re jnaʼ reʼ yë ri domingo 24 de marzo xtqanataj rkamik Jesús, rma riʼ nqajoʼ chë yatapon qkʼë.