CAMPAÑA RI KAN KʼO RUQʼIJ
Le Ruwachʼlew xa najin nchaʼ chiʼ | ¿Achkë xtuʼän ri Ruqʼatbʼäl Tzij Dios?
«Rma chwäch le Ruwachʼlew kowan kʼatän o kowan tiw najin nuʼän, reʼ kan kʼïy kʼayewal najin nukʼäm pä pa kiwiʼ ri winäq chqä pa ruwiʼ xa bʼa achkë ri kʼo rukʼaslemal. Ri qʼeqäl taq jöbʼ —ri ronojel mul más kichqʼaʼ kʼo— najin nkiʼän chë ye kʼïy winäq ri ye kʼo chwäch jontir le Ruwachʼlew nchaʼ chiʼ kachoch chqä chë majun ta chik rubʼanik nkïl ri nkʼatzin chkë. Chuxeʼ mar kan kowan kʼatän najin nuʼän, rma riʼ kʼïy chkë ri ye kʼo chriʼ rkʼë jbʼaʼ ma xkekʼaseʼ ta» (Inger Andersen, jun chkë ri ukʼwayon bʼey chpan ri Naciones Unidas chqä ukʼwayon bʼey chpan ri Programa de las Naciones Unidas para el Medio Ambiente, 25 de julio, 2023).
¿Xtkitün komä kiʼ ri qʼatbʼäl taq tzij rchë xtkikanuj rubʼanik rchë xtkisöl re kʼayewal reʼ ri kan kʼïy ma ütz ta rukʼamon pä pa ruwiʼ le Ruwachʼlew? ¿Xkekowin komä xtkiköl le Ruwachʼlew?
Le Biblia nuʼij chë kʼo jun qʼatbʼäl tzij ri ma xa xuʼ ta nrajoʼ yerusöl re kʼayewal reʼ, xa kan nkowin nuʼän riʼ. Chriʼ nuʼij chë «ri Dios ri kʼo chkaj, xtyaʼ jun ruqʼatbʼäl tzij» ri xtqʼät tzij pa ruwiʼ jontir le Ruwachʼlew (Daniel 2:44). Chuxeʼ re qʼatbʼäl tzij reʼ, ri winäq ma xtkitzʼlaʼ ta kiʼ chkiwäch nixta xtkitzʼlaʼ le Ruwachʼlew (Isaías 11:9).