¡KIXKʼASEʼ APÜ!
Mamaʼ taq slonel ri xebʼanatäj Turquía chqä Siria | ¿Achkë nuʼij le Biblia chrij riʼ?
Ri lunes 6 de febrero rchë ri junaʼ 2023, xebʼanatäj mamaʼ taq slonel chlaʼ Turquía chqä Siria.
Reʼ xbʼanatäj taq kowan tiw najin nuʼän. Ya reʼ kan más kʼayewal xyaʼ pa kiwiʼ ri winäq ri xesokotäj o ri xchaʼ chiʼ kachoch. Y rma kowan tiw najin nuʼän, kan más kʼayewal najin nuʼän yelitäj ri winäq ri xekanaj chuxeʼ jay» (Reuters, 6 de febrero rchë 2023).
Kan ntiʼon qan taq nqakʼoxaj chë yebʼanatäj kʼayewal achiʼel reʼ. Taq nqqʼax chkipan re kʼayewal reʼ, ütz nqakanuj qatoʼik rkʼë Jehová a, «ri Dios ri nkʼuqbʼan qakʼuʼx» (2 Corintios 1:3). Ryä nuʼän jontir ri najowatäj rchë «rma ri kʼuqbʼäl kʼuʼx nqïl chpan ri Ruchʼaʼäl Dios, kan kʼo utzil xtqayoʼej apü» (Romanos 15:4).
Chpan le Biblia, nqatamaj reʼ:
Ri bʼin qa chkij ri mamaʼ taq slonel.
¿Akuchï nqïl wä ri toʼïk ri nukʼuqbʼaʼ qakʼuʼx?
¿Achkë xtuʼän Dios rchë ma xtqatäj taq chik poqän?
We nawajoʼ natamaj achkë nuʼij le Biblia chkij reʼ, taskʼij kiwäch re peraj reʼ:
a Jehová ya riʼ rubʼiʼ Dios (Salmo 83:18).
Rkʼë jbʼaʼ nawajoʼ natzʼët chqä reʼ
Naʼoj ri nukʼüt le Biblia ri kan kʼo kejqalen (videos)
¿Ye komä Dios nbʼanö chë yebʼanatäj nmaʼq taq kʼayewal?
Kaʼiʼ winäq ri xkiqʼaxaj jun nüm kʼayewal nkitzjoj achkë xkitamaj qa chpan le Biblia.
