Pa 2022, ri qʼatbʼäl taq tzij xkisäch más 2.24 billones de dólares chkibʼanik armas. Majun bʼëy sachon ta kowan päq chrij reʼ. Jun rma ri xbʼanatäj reʼ ya riʼ rma Rusia xchäp chʼaʼoj rkʼë Ucrania. Jun informe rchë abril, 2023, rchë ri SIPRI, ri Stockholm International Peace Research Institute (Instituto Internacional de Estudios para la Paz de Estocolmo), nuʼij reʼ chrij ri xbʼanatäj pa 2022:

•   Ri päq xsäch Europa chkibʼanik armas xjoteʼ jun 13% junaʼir, kan pa 1991 ma bʼanatajnäq ta reʼ.

•   «Nbʼix chë ri päq xsäch Rusia chkibʼanik armas xjoteʼ jun 9.2%». Rusia ya riʼ wä ri quinto tinamït ri más päq nusäch chkibʼanik armas, ye kʼa komä xok ri rox tinamït ri más päq nusäch.

•   Estados Unidos ya riʼ ri tinamït ri más päq nusäch chkibʼanik armas; «che rä ri päq ri nkiksaj jontir ri qʼatbʼäl taq tzij chwäch le Ruwachʼlew, ryä ruksan ri 39%».

 Ri doctor Nan Tian, ri xtoʼon chubʼanik ri informe rchë ri SIPRI, nuʼij: «Chkipan ri junaʼ ri ye qʼaxnäq pä, ri tinamït más päq najin nkiksaj chkibʼanik armas; ya riʼ nukʼüt chë xa más najin nxiʼin rij qakʼaslemal».

 Le Biblia rubʼin pä chik chë chkipan ri qʼij yoj kʼo komä ri qʼatbʼäl taq tzij xa xtkitzelaj kiʼ. Ye kʼa nuʼij chqä achkë rubʼanik ma xtjeʼ ta chik chʼaʼoj.

•   Le Biblia nuʼij chë yoj kʼo chkipan ri rukʼisbʼäl taq qʼij (Daniel 8:19).

•   Ri wuj rchë Daniel nuʼij chë chkipan ri qʼij yoj kʼo komä xkejeʼ nmaʼq qʼatbʼäl taq tzij ri xa xtkitzelaj kiʼ. Re qʼatbʼäl taq tzij reʼ xtkinïm kiʼ chpan jun «chʼaʼoj», ntel chë tzij, xtkajoʼ xtjeʼ más uchqʼaʼ pa kiqʼaʼ. Ya kʼa rchë yekowin nkiʼän riʼ nkʼatzin wä nkiksaj kʼïy «bʼeyomäl» (Daniel 11:40, 42, 43).

 We nawajoʼ natamaj más chrij re profecía reʼ, tatzʼetaʼ ri video Ri rubʼanik najin ntzʼaqät ri profecía kʼo chpan Daniel 11.

•   Le Biblia nuʼij chë Dios xkeresaj äl ri qʼatbʼäl taq tzij. Ryä «xtyaʼ jun ruqʼatbʼäl tzij ri majun bʼëy xtchup ta ruwäch chqä ma xtkanaj ta qa pa ruqʼaʼ jun chik tinamït. Ri qʼatbʼäl tzij riʼ xtwulaj chqä xtchüp kiwäch jontir ri qʼatbʼäl taq tzij, chqä xa xuʼ ri qʼatbʼäl tzij riʼ xtkanaj qa xtbʼä qʼij xtbʼä säq» (Daniel 2:44).

•   Xa jbʼaʼ chik apü, Jehová a xtuʼän jun ri majun ta jun winäq nkowin nbʼanö: xtresaj ri chʼaʼoj. ¿Achkë rubʼanik xtuʼän che rä? Ryä xtksaj Ruqʼatbʼäl Tzij ri kʼo chkaj rchë xtchüp kiwäch ri itzel taq winäq chqä xa bʼaʼ achkë arma (Salmo 46:8, 9).

 We nawajoʼ natamaj más chrij ri xtuʼän ri Ruqʼatbʼäl Tzij Dios, taskʼij ruwäch ri tzijonem «El Reino de Dios traerá ‘paz en abundancia’».