CAMPAÑA RI KAN KʼO RUQʼIJ
Ri majun ta chik rukʼuʼx ri päq | ¿Achkë xtuʼän ri Ruqʼatbʼäl Tzij Dios?
Ye kʼïy winäq chwäch jontir le Ruwachʼlew kan kʼayewal nuʼän chkiwäch nkïl ri päq ri nkʼatzin chkë, y ronojel q’ij ri yeqʼax, más kʼayewal nuʼän chkiwäch.
Jun informe ri kʼa majanäj ta tbʼan qa, a nuʼij chë chwäch jontir le Ruwachʼlew «ri winäq ma kan ta kʼïy chik nkilöqʼ rkʼë ri päq nkichʼäk». Y, we ma nsol ta re kʼayewal reʼ, «más bʼeyomaʼ xkejeʼ ye kʼa xkekʼiyär chqä ri winäq ri majun ta kirajil». Reʼ xtuʼän chë ye kʼïy familias «ma kan ta xtjeʼ jontir ri xtkʼatzin chkë».
¿Xkekowin komä ri qʼatbʼäl taq tzij xtkiʼän chë ri winäq ma xtkitäj ta chik poqän xa rma majun ta kirajil?
Le Biblia nutzjoj rij jun qʼatbʼäl tzij ri ma xa xuʼ ta xtuʼän riʼ, xa kan xtuʼän chqä chë ri winäq ma xtkijäch ta chik kiʼ xa rma ri päq. Chriʼ nuʼij chë «ri Dios ri kʼo chkaj, xtyaʼ jun ruqʼatbʼäl tzij», y xa xuʼ re qʼatbʼäl tzij reʼ xtqʼät tzij pa ruwiʼ jontir le Ruwachʼlew (Daniel 2:44). Re qʼatbʼäl tzij reʼ majun ta jun winäq ri ma ta xttoʼ (Salmo 9:18). Ri Ruqʼatbʼäl Tzij Dios xtuʼän chë jontir ruwinaq xtkïl ri nkʼatzin chkë rchë kiʼ kikʼuʼx xtkiʼän. Jontir kʼo ütz xtkïl rma ri samaj xtkiʼän (Isaías 65:21, 22).
a Informe mundial sobre salarios 2022-2023, ri xuʼän ri Organización Internacional del Trabajo.