CAMPAÑA RI KAN KʼO RUQʼIJ
Ri qʼatöy taq tzij ri xa yeleqʼan | ¿Achkë xtuʼän ri Ruqʼatbʼäl Tzij Dios?
Ri winäq nkajoʼ chë ri yekʼwayon bʼëy chkiwäch kan pa rubʼeyal yekiʼän; ryeʼ ma yekajoʼ ta chik qʼatöy taq tzij ri xa yeleqʼan. Jun encuesta ri xbʼan chkipan kʼïy tinamït chpan ri junaʼ 2023 xkʼüt chë ri winäq kan ma nkikʼuqbʼaʼ ta chik kikʼuʼx chkij ri yeqʼatö tzij pa kiwiʼ. a
Le Biblia nutzjoj rij jun qʼatbʼäl tzij ri kʼo jun Ruqʼatöy Tzij ri kan ütz nakʼuqbʼaʼ akʼuʼx chrij, ri kan pa rubʼeyal nuʼän che rä jontir chqä ri majun bʼëy xtleqʼan ta. Re qʼatbʼäl tzij reʼ ya riʼ ri Ruqʼatbʼäl Tzij Dios, y yë Jesucristo ri Qʼatöy Tzij chpan (Isaías 9:7).
Jesús rukʼutun chik chë kan yerajoʼ ri winäq (Mateo 9:35, 36). Ryä xtuʼän chë kan pa rubʼeyal xtbʼan kikʼë jontir ri xtkajoʼ chë ryä xtqʼät tzij pa kiwiʼ chqä xtuʼän chë ma xtjeʼ ta chik chʼaʼoj (Salmo 72:12-14).
a 2023 Edelman Trust Barometer Global Report.