Chwäch jontir le Ruwachʼlew, ye kʼïy winäq najin nkiqʼaxaj kʼayewal kimä ri qʼeqäl taq jöbʼ. Tatzʼetaʼ ri nkiʼij re noticias reʼ:

•   «Chkipan ri 140 junaʼ ri ye qʼaxnäq pä, chpan rucapital China majun bʼëy bʼanatajnäq ta jöbʼ ri achiʼel xebʼanatäj chkipan ri qʼij ri kʼa xeqʼax qa [...]. Pa sábado kʼa pa miércoles, xqä 744.8 milímetros a chë jöbʼ» (AP News, 2 de agosto, 2023).

•   «Pa jueves, ya xuʼän kaʼiʼ q’ij chë ri qʼeqäl jöbʼ ri rubʼiniʼan Khanun najin nuksaj ruchqʼaʼ pa sur che rä Japón. Kaʼiʼ winäq xekäm rma re qʼeqäl jöbʼ reʼ. [...] Chqä yoʼen chë re qʼeqäl jöbʼ reʼ nuʼän chë nqä 0.6 metros b chë jöbʼ pa kiwiʼ ri juyuʼ ri kikʼwan kiʼ ri ye kʼo Taiwán» (Deutsche Welle, 3 de agosto, 2023).

•   «Ri yaʼ xrmeʼ pa sábado chqä pa domingo [chlaʼ Nueva Escocia] xbʼanatäj rma kowan jöbʼ xuʼän; chkipan ri 50 junaʼ ri ye qʼaxnäq pä, ma bʼanatajnäq ta jöbʼ achiʼel reʼ chpan ri tinamït Canadá ri akuchï kʼo wä ri Océano Atlántico» (BBC News, 24 de julio, 2023).

 ¿Achkë nuʼij le Biblia chrij ri najin nbʼanatäj?

 Chpan le Biblia nuʼij chë ri tiempo ri yoj kʼo komä ya riʼ ri «rukʼisbʼäl taq qʼij» (2 Timoteo 3:1). Jesús xuʼij chë chkipan ri qʼij ri yoj kʼo komä «xketzʼetetäj jojun ri kan naxiʼij awiʼ natzʼët» (Lucas 21:11). Ri kowan kʼatän o kowan tiw najin nuʼän rubʼanon chë chaq kʼateʼ yebʼanatäj qʼeqäl taq jöbʼ, chë más chaq taqïl yepë chqä más kichqʼaʼ.

 Le Biblia nukʼüt chë jontir ri qʼeqäl taq jöbʼ ri najin yekitzʼlaʼ ye kʼïy winäq nuʼän chqë chë kʼo ütz nqayoʼej apü. ¿Achkë rma nqaʼij riʼ? Rma Jesús xuʼij reʼ: «Taq xtitzʼët chë najin chik yebʼanatäj jontir reʼ, tqʼax chiwäch chë ri Ruqʼatbʼäl Tzij Dios xa naqaj chik kʼo pä» (Lucas 21:31; Mateo 24:3).

 Jontir ri najin nbʼanatäj nukʼüt chë, xa jbʼaʼ chik apü, ri Ruqʼatbʼäl Tzij Dios xtuʼän chë ma xkebʼanatäj ta chik kʼayewal achiʼel ri qʼeqäl taq jöbʼ (Job 36:27, 28; Salmo 107:29).

 We nawajoʼ natamaj más chrij ri achkë xtuʼän ri Ruqʼatbʼäl Tzij Dios rchë xtchojmij le Ruwachʼlew, tatzʼetaʼ ri peraj «¿Quién salvará el planeta?».