Chpan ri ikʼ julio, 2022 xa bʼa akuchï ye bʼanatajnäq wä balaceras:

•   «Ri rukamik Shinzo Abe, jun chkë ri xok qʼatöy tzij ri más tamatäl ruwäch chlaʼ Japón, nuxiʼij kan ri winäq aj Japón chqä ri ye kʼo chwäch jontir le Ruwachʼlew, y más rma ke laʼ ma chaq nbʼanatäj ta chʼaʼoj chqä kʼo pixaʼ yeyaʼon chrij kiksaxik armas» (10 de julio, 2022, The Japan Times).

•   «Jun achï ri rukʼwan qʼaqʼ yeruxiʼij ri winäq aj Dinamarca rma xerukamsaj oxiʼ winäq chpan jun centro comercial chlaʼ Copenhagen» (4 de julio, 2022, Reuters).

•   «Sudáfrica: jojun achiʼaʼ yekikamsaj ye 15 winäq chpan jun jay ri akuchï nkʼayïx yaʼ chlaʼ Soweto» (10 de Julio, 2022, The Guardian).

•   «Más ye 220 winäq xekamsäx rkʼë qʼaqʼ chlaʼ Estados Unidos chpan ri fin de semana rchë 4 de julio taq xbʼan nmaqʼij chlaʼ» (5 de julio, 2022, CBS News).

 ¿Kʼo komä rma nqayoʼej chë xtkʼis re itzelal reʼ? ¿Achkë nuʼij le Biblia chrij riʼ?

 Le Biblia nuʼij chë yoj kʼo chik chkipan ri «rukʼisbʼäl taq qʼij». Yoj kʼo chpan jun tiempo ri akuchï ri winäq kan itzel kinaʼoj chqä ma nkipoqonaj ta kiwäch ri nkʼaj chik (2 Timoteo 3:1, 3). Taq ri winäq yekamsan yekixiʼij ri nkʼaj chik winäq (Lucas 21:11). Ye kʼa le Biblia nuʼij chë kʼo jun qʼij xtchup ruwäch ri itzelal y xa bʼa achkë winäq xtjeʼ akuchï majun ta chʼaʼoj kʼo, akuchï majun nxiʼin ta y akuchï majun ta achkë xtnaqö rchë (Isaías 32:18). Ye kʼa, ¿achkë rubʼanik xtchup ruwäch ri itzelal?

 Dios xtchüp kiwäch ri itzel taq winäq chqä ri armas.

•   «Ri itzel taq winäq kan xtchup kiwäch» (Proverbios 2:22).

•   «[Dios] xtuʼän chë xkekʼis ri chʼaʼoj chwäch le Ruwachʼlew. Ryä xtqʼäj ri arco chqä ri lanza y xkerukʼät ri chʼichʼ ri yeksäx pa chʼaʼoj» (Salmo 46:9).

 Dios xkerutjoj ri winäq rchë ma xtkiʼän ta chʼaʼoj, rchë ke riʼ ma xtjeʼ ta chik ri itzelal.

•   «Ryeʼ ma xtkitzʼlaʼ ta ri loqʼoläj njuyuʼ, rma le Ruwachʼlew kan xtnuj rkʼë retamabʼal Jehová, kan achiʼel ri yaʼ ri runujsan ri mar» (Isaías 11:9).

•   Yajün komä, Dios najin nukʼüt chkiwäch ri winäq chwäch jontir le Ruwachʼlew achkë rubʼanik ma nkiʼän ta chʼaʼoj chqä ma nkiksaj ta armas, y rchë ri ki-espadas nkiʼän samajbʼäl che rä rchë nkichʼïk ri ilew y ri ki-lanzas rchë nkiʼän hoces che rä (Miqueas 4:3).

 We nawajoʼ natamaj más chrij ri nuʼij le Biblia chrij ri qʼij taq majun ta chik achkë xtxiʼin ta, taskʼij ri peraj «¿Es posible librarse del miedo?».

 Rchë natamaj más chrij ri achkë rubʼanik xtchup ruwäch ri itzelal, taskʼij ri peraj «¡Por fin paz en la Tierra!».